Obadiya 1:7 - Digo Bible

⁷ Hinyo osi achiogbwirana nawe andakuzola kula tsiiyo. Hinyo urioika nao chilagane andakuchenga na kukuturya. Asenao a chala na pete andakuchenga na akuhege, bila uwe mwenye kumanya.

Obadiya 1:7 Referans Kwoze

Zaburi 41:9

Hata msena wangu wa kurya na kuusa nriyemkuluphira yekala huchirya mkpwahe phamwenga, akanigalukira.

Jeremia 49:7

Ela kuhusu Edomu, Mwenyezi Mlungu, Mlungu wa majeshi anaamba, “Dze takuna ikima ko Temani? Dze, nyo enye ikima akaangamikpwa ni ushauri? Dze, ikima ikaaukira tsetsetse?

Jeremia 30:14

Asenao na azembeo osi akakuyala, taakujali kpwa chochosi. Mana nkakupiga dza adui apigavyo, pigo ra mviha asiye na mbazi, kpwa sababu kosaro nkulu dambizo ni nyinji sana.

Johana 13:18

“Hivi nchivyogomba, sikagomba kuhusu mwimwi mosi. Mana chila mmwenga nriyemtsambula nammanya arivyo. Ela ni lazima Maandiko gatimiye, gaambago, ‘Mutu yerya mkpwahe phamwenga nami, ndiye yenigalukira.’

Hosea 13:13

Utsungu wa kudzivugula undamgbwira, ela iye ni dza mwana mzuzu, ambaye wakati wa kuvyalwa ukafika ela ye kalonda kutuluka kula ndanini.

Sonono za Jeremia 1:19

Náiha azembe angu ela anichenga, alavyadzi-sadaka na atumia angu afwa mo mudzini, ariphokala anaendza chakurya ili auyize mikotse yao.

Jeremia 38:22

Achetu osi achiosala kpwenye dzumba ra mfalume wa Juda andaphirikpwa kpwa vilongozi a mfalume wa Babeli. Nao nyo achetu andaamba, ‘Atu uaaminio akakuchenga agbwira njira zao; kpwa vira magulugo gakazikika matopeni, asenao akakuricha.’

Jeremia 20:10

Násikira anji achigomba pokopoko kunihusu, nao ananiogofyera chila uphande, aho anaamba “Mshitakini, nahumshitaki!” Asena angu a kurya na kuusa, ananiazira mai. Aho anaamba, “Mendzerepho andachengeka, ndipho humturye na hudziriphize.”

Jeremia 4:30

Nawe, uwe ambaye undabanangbwa, kpwa utu wani unadzivwika nguwo za kundu, na kudzipamba na mapambo ga zahabu, na kuhenda matsogo gakale makulu kpwa kudzipaka wanda? Unadzipamba bure azembeo anakubera anaindza uhaio.

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Zaburi 41:10

Ela nionera mbazi, ee Mwenyezi Mlungu, niphoza, ili nidziriphize chisasi.

Hosea 7:11

Atu a Efuraimu akakala azuzu dza njiya asiokala na dzuphi. Mara anaendza msada kula Misiri, kano kula Ashuru.