Obadiya 1:6 - Digo Bible

⁶ Kpwa kpweli uwe Edomu, yani chivyazi cha Esau undafutwa chila chitu, hata yo akibayo uriyofwitsa, indaendzwa ihalwe.

Obadiya 1:6 Referans Kwoze

Jeremia 49:10

Ela nkaricha atu a chivyazi cha Esau chihuphu, nikafwenula mwatu mwao mwa kudzifwitsa, nao taaweza kudzifwitsa tsona. Aho akaangamizwa phamwenga na ndugu zao na majirani gao tsi yao taindakalako tsona.

Zaburi 139:1

Uwe Mwenyezi Mlungu ukanichunguza nawe unanimanya vyo nrivyo.

Danieli 2:22

Iye nkufwenula mambo ga ndani garigofwitsika, iye anamanya garigo jizani, chisha ko kpwakpwe ndiko kukalako mwanga.

Jeremia 50:37

Upanga naukale chinyume cha farasie na chinyume cha magarige ga kuvwehwa ni farasi, na nyo anajeshi a chijeni ario nao, ili akale dza achetu. Upanga ukale chinyume cha hazinaze zosi, ili zihalwe zewe!

Isaya 45:3

Nindakupha hazina zofwitswa jizani, na mali zirizofwitswa phatu pha siri, ili umanye kukala mimi, ndimi Mwenyezi Mlungu, Mlungu wa Iziraeli nikuihaye na dzinaro.

Isaya 13:16

Ana aho andabandwa-bandwa myambani kuno enye analola, vitu vya mwao madzumbani vindahalwa na achetu aho agbwavukirwe.