Obadiya 1:10 - Digo Bible

¹⁰ Kpwa sababu ya uyi muriohendera ndugu zenu ana a Jakobo mundaaibishwa; na mʼbanangbwe hata kare na kare.

Obadiya 1:10 Referans Kwoze

Amosi 1:11

Mwenyezi Mlungu anaamba, “Kpwa sababu atu a Edomu akahenda dambi vivyo kpwa vivyo, ni niatiye adabu. Aho azoresa adugu ao, Aiziraeli na achiaolaga kpwa upanga bila mbazi. Tsukizi zao zaenderera kuaka hata kare na kare.

Ezekieli 35:9

Nindakuhenda ukale gandzo ta kare na kare na midziyo taindasagala atu. Namwi mundamanya kukala mimi, ndimi Mwenyezi Mlungu.

Zaburi 89:45

Ukaphunguza siku za uhanawe, ukamvwika waibu.

Mwandzo 27:41

Phahi, Esau wamzira Jakobo kpwa sababu ya baraka ambazo ise kala akamjaliya. Achidziamba mwakpwe moyoni, “Baba a phephi na kufwa, badaye nindamuolaga mwenehu Jakobo.”

Zaburi 137:7

Ee Mwenyezi Mlungu usiyale vira Aedomu arivyohenda siku Jerusalemu iriphohalwa mateka, hinyo aamba, “Ibomoleni, ibomoleni hata misingiye!”

Mika 7:10

Adui wangu ariyeniamba “Akuphi ye Mwenyezi Mlungu, Mlunguo?” Andaona higa na agbwirwe ni haya. Ndamuona na matso gangu ndivyogbwa, na kuvyogbwa-vyogbwa photsi dza tope njirani.

Joeli 3:19

Misiri indakala gandzo na Edomu indakala jangbwa huphu, kpwa sababu atu aho aahendera mai atu a Juda, mana aolaga atu a asiokala na makosa kpwenye tsi yao.

Ezekieli 7:18

Andavwala nguwo za magunia kpwa sonono na akakame kpwa wuoga. Andanyolwa vitswa vyao na agbwirwe ni haya.

Sonono za Jeremia 4:21

Mwimwi atu a Edomu na Usi; hererwa na kupiga njerejere! Ela manyani kukala cho chikombe chindafika ko kpwenu, namwi mundalewa hadi mvule nguwo zenu, mkale chitsaha.

Jeremia 51:51

Hukatiywa waibu, mana hukalaphizwa tahumanya hulolephi kpwa waibu, kpwa sababu ajeni akainjira mwatu mtakatifu mwa nyumba ya Mwenyezi Mlungu.

Jeremia 49:13

Mana nkaapa kpwa dzina rangu, Mwenyezi Mlungu anaamba, kukala mudzi wa Bosira undakala gandzo, utu wa kutisha, wa kuberwa na ndzimo ya kulanira. Nayo midziye indakala magandzo hata kare na kare.”

Jeremia 3:25

Nahulale photsi kpwa waibu hurio nao na waibu wehu ukale wazi, mana hukamuhendera dambi Mwenyezi Mlungu, Mlungu wehu, swiswi na baba zehu hangu hu adide hadi rero. Tahuyaishimu sauti ya Mwenyezi Mlungu, Mlungu wehu.”

Zaburi 132:18

Ndatiya waibu maaduige ela ndamvwika tadzi ya chifalume imekayo siku zosi.”

Zaburi 109:29

Anaonishitaki naaphahe waibu waibu wao nauabwiningize dza mutu adzibwiningizavyo burangeti!

Zaburi 69:7

Mana mino nkakoserwa ishima na kuphaha waibu kpwa sababuyo.

Mwandzo 27:11

Jakobo achimuamba nine, “Lola, mwenehu Esau ana malalaika na mino sina.

Kumbukumbu 23:7

“Msizire Aedomu mana ni ndugu zenu. Na msizire Amisiri, mana mwasagala kpwenye tsi yao dza ajeni.

2 Nyakati 28:17

Kpwa mana hinyo atu a Edomu kala akavamia Juda tsona na achihala atu mateka.

Misemo 10:6

Baraka nkukala chitswani pha mutu wa haki, ela maneno ga mutu mui nkufwitsa mai.

Kumbukumbu 23:8

Chivyazi cha hahu cha Aedomu na Amisiri anaweza kuinjira kpwenye mkpwutano wa atu a Mwenyezi Mlungu.

Misemo 17:5

Mutu anyeteraye mchiya analaphiza Muumba wa hiye mchiya na ahererwaye napho myawe akafikpwa ni mashaka andatiywa adabu.

Jeremia 12:14

Mwenyezi Mlungu anaamba hivi kuhusu majiranige ayi arioapha urisi atue Iziraeli, “Lola, nindaausa kula tsi yao, nami nindaausa atu a Juda kula kahi yao.

Sonono za Jeremia 4:22

We mwana mchetu wa Sayuni, kutiywako adabu kukasira kandakuricha ko urikotsamizwa kpwa lazima kpwa muda mure. Ela uwe mwana mchetu wa Edomu, dambizo zindafwenulwa, na utiywe adabu.