Nahumu 3:7 - Digo Bible

⁷ Chisha nyo ndiokuona andadzitenga nawe na kuamba, ‘Ninawi ukabanangbwa tse, ni ani ndiyekusononekera?’ Atu dza hinyo ndaaphahaphi?”

Nahumu 3:7 Referans Kwoze

Jeremia 15:5

Ni ani ndiye kuonera mbazi we Jerusalemu? Au ni ani ndiyekusononekera? Ni ani ndiyeima kuuza uzima wenu?

Isaya 51:19

Mashaka gaga mairi gakakuphaha, ni ani awezaye kukuonera mbazi? Ukakala gandzo, ukabanangbwa, ndzala na viha vikakuphaha, ni ani awezaye kukuphoza marenda?

Maono 18:10

Aho afalume andaima kure na nyo mudzi kpwa kuogopha go mateso. Nao andarira aambe, “Shaka rani ro, shaka rani ro, uwe mudzi mkpwulu, Babeli, mudzi urio na nguvu! Mana uamulio ukakufikira nawe kutiywa adabu muda wa dzisaa dzimwenga bahi.”

Sonono za Jeremia 2:13

Nigombeni kukuhusu? Nikulinganishe na chitu chani, uwe mwana mchetu wa Jerusalemu? Nikulinganishe na utu wani, ili niweze kukuphoza marenda, we mwanamwali, mwana mchetu wa Sayuni? Mana chirondacho china chivwa dza cha bahari. Ni ani awezaye kukuphoza?

Jeremia 51:9

Hungemphoza Babeli, ela kaweza kuphola. Nahumricheni, chila mutu naauye kpwao, mana hukumuye ikafika mlunguni, na ikaunulwa hata ko mainguni.

Isabu 16:34

Aiziraeli osi ariokala phephi nao achimbira ariphoasikira anarira, mana aamba, “Sedze yo tsi ikahumiza piya swiswi!”

Nahumu 1:1

Hichi ni chitabu cha ruwiya za Nahumu kula chidzidzi cha Elikoshi. Ni maono kuhusu mudzi wa Ninawi.

Jeremia 50:18

Kpwa hivyo, Mwenyezi Mlungu, Mlungu wa majeshi, Mlungu wa Iziraeli anaamba, ‘Nindamtiya adabu mfalume wa Babeli na tsiiye, dza nrivyotiya adabu mfalume wa Ashuru.

Zefania 2:13

Mwenyezi Mlungu andagolosa mkpwonowe chinyume cha vurini na kuangamiza tsi ya Ashuru. Andauhenda mudzi wa Ninawi ukale gandzo na tsiiye ikale kavu dza jangbwa.