Mwandzo 5:24 - Digo Bible

²⁴ Enoko wakala na uhusiano mnono na Mlungu. Naye kayaonekana tsona mana Mlungu wamuhala.

Mwandzo 5:24 Referans Kwoze

1 Johana 1:7

Ela huchisagala mwangani, dza vivyo iye arivyo mwangani, hundakala na umwenga swiswi enye na enye. Nao mlatso wa mwanawe Jesu uriomwagika ariphokotwa misumari msalabani undahuusira dambi zosi.

Mwandzo 5:22

Bada ya kuvyala Methusela, Enoko wasagala miaka magana mahahu, achikala na uhusiano mnono na Mlungu na kumuogopha. Naye achikala akavyala ana anjina, alume na achetu.

Luka 23:43

Jesu achimuamba, “Nakuahidi kala vivi rero hundakala hosi Peponi.”

2 Afalume 2:11

Ariphokala ananyendeka na kubisha, gafula gari ra kuvwehwa ni farasi ra moho ratsembuka na richiatenganisha. Naye Elija wahalwa kuphiya mlunguni nchikulukulu.

Mwandzo 42:36

Ise yao Jakobo achiamba, “Mnalonda kunimarira anangu! Yusufu kapho, Simioni kapho; na sambi mnalonda muhale Benjamini. Chila chitu chinahendeka chinyume changu!”

Mwandzo 37:30

Achiauyira nduguze achendaambira, “Yuya mvulana kamo mo chisimani! Simanya nihendedze?”

Jeremia 31:15

Mwenyezi Mlungu anaamba, “Sauti inasikirika hiko Rama ya chiriro na sonono. Raheli anaririra anae; anarema kunyamazwa mana kandaaona tsona.”

2 Afalume 2:1

Wakati wafika ambapho Mwenyezi Mlungu walonda kumhala Elija kuphiya mlunguni na chikulukulu. Elija na Elisha kala a njirani, ala Giligali.

Mathayo 2:18

“Sauti yasikirika hiko Rama, ya chiriro na sonono, Raheli anaririra anae na anarema kunyamazwa mana kandaaona tsona.”

Juda 1:14

Enoko, ambaye ni chivyazi cha sabaa kula Adamu, watabiri higa kuhusu atu hinya, achiamba, “Phundzani, Bwana Jesu aredza phamwenga na maelufu ga malaikae

Mwandzo 5:23

Enoko wasagala miaka magana mahahu na mirongo sita na tsano.

Mwandzo 5:25

Methusela ariphokala na miaka gana mwenga na mirongo minane na sabaa, wavyala Lameki.

Mwandzo 6:9

Hino ni simurizi kuhusu Nuhu na chivyaziche. Nuhu kala ni mwenye haki na kala kana lawama kahi za atu a wakatiwe. Tsona kala anauhusiano mnono na Mlungu.

Mwandzo 24:40

“Naye achiniamba, ‘Mwenyezi Mlungu ambaye namuogopha andahuma malaikawe uphiye naye na andajaliya charocho ili umphahire mchetu mwanangu kula kpwa baba na mbari zangu.

2 Afalume 2:10

Elija wajibu achiamba, “Voyoro ni gumu. Hata hivyo, ichikala undaniona wakati ndiphouswa kpwako, indakala dza vyo uchivyovoya. Ela usiphoniona, phahi tavindakala.”

Zaburi 49:15

Ela Mlungu andanikombola, andanitivya na nguvu za kuzimu, mana andaniphokera.

Zaburi 73:24

Uwe unanilongoza kutsupira mashauri unagonipha na mwishirowe undaniphokera katika utukufuo.

2 Afalume 2:12

Elisha ariphoona dzambo hiro, warira, “Baba, baba! Mkanizi wa Iziraeli, uwe u dza magari ga kuvwehwa ni farasi ga Iziraeli na aphirikie!” Na hipho Elisha kayamuona tsona Elija. Halafu Elisha wagbwira nguwoze achizikpwanyula vipande viiri.