Mwandzo 49:18 - Digo Bible

¹⁸ “Ee, Mwenyezi Mlungu, nagodza wokofuo.

Mwandzo 49:18 Referans Kwoze

Zaburi 119:174

Naaza wokofuo, ee Mwenyezi Mlungu, na shariyayo inanihenda nihamirwe.

Zaburi 119:166

Ninagodza unitivye, ee Mwenyezi Mlungu, na ninalunga malagizogo.

Mika 7:7

Ela mino ninamlola Mwenyezi Mlungu, ndamgodza Mlungu muokoli wangu, Mlungu wangu andasikira chiriro changu.

Isaya 25:9

Siku iyo atu andaamba, “Lola, hiyu ndiye Mlungu wehu. Ndiye huriyemgodza ahuterye. Yuyu ndiye Mwenyezi Mlungu nahupige njerejere na kufwahirwa ni wokofuwe.”

Zaburi 130:5

Namgodzera Mwenyezi Mlungu, moyo wangu unagodzera, matumaini gangu ni kpwenye nenore.

1 Athesalonike 1:10

Chisha anagomba kuhusu vira mgodzeravyo Mwanawe edze kula mlunguni. Mlungu wamfufula, naye ndiye ndehutivya na hukumu kali yedzayo.

Luka 2:30

Mana nkamuona Muokoli kula kpwako

Luka 2:25

Wakati hinyo hiko Jerusalemu, kala kuna mutu mmwenga aihwaye Simioni, mutu wa haki ariyekala anamuogopha Mlungu. Naye kala anagodza wokofu wa Aiziraeli, na Roho Mtakatifu kala a phamwenga naye.

Luka 1:30

Malaika achimuamba, “Usiogophe Maryamu, mana Mlungu wakujaliya.

Mathayo 1:21

Iye andadzivugula mwana wa chilume, naye undamuiha Jesu, kpwa kukala iye ndiye ndiyeokola atue kula dambini.”

Sonono za Jeremia 3:25

Mwenyezi Mlungu ni mnono kpwa nyo amgodzerao, na nyo amuendzao.

Zaburi 85:7

Huonyese mendzwayo isiyosika, ee Mwenyezi Mlungu, na uhuphe wokofu.

Zaburi 40:1

Nágodza Mwenyezi Mlungu aniterye kpwa kuvumirira naye achiniphundza na achisikira chiriro changu.

Zaburi 14:7

Naaza kala wokofu wa Iziraeli ungekpwedza kula Sayuni! Mwenyezi Mlungu ndiphohenda atue aongokerwe tsona, atu a chivyazi cha Jakobo andashangiliya, atu a Iziraeli andahererwa.

Agalatia 5:5

Ela Roho Mtakatifu nkuhumanyisa kukala hakika Mlungu andahupha haki, kpwa sababu hunamkuluphira Jesu.

Arumi 8:25

Ela huchitumaini kuphaha chitu husichochiona, phahi hukugodza kpwa hamu bila kukata tamaa.

Arumi 8:19

Mana viumbe vyosi vinagodza kpwa hamu kumanyiswa ana a Mlungu.

Mariko 15:43

Phahi phakpwedza Yusufu mwenyezi wa Arimathaya, ariyeishimiwa sana. Iye piya kala anagodzera kpwa hamu ufalume wa Mlungu. Phahi, wamlunga Pilato bila chiwewe, achivoya ahewe mwiri wa Jesu.

Isaya 36:8

“Ndzo upatane na bwana wangu, mfalume wa Ashuru, nami ndakupha farasi elufu mbiri napho undaweza kuphaha aphirikie.

Isaya 33:2

Nakuvoya Mwenyezi Mlungu uhuonere mbazi, swiswi hunakukuluphira uwe. Hutiye nguvu chila ligundzu na uhutivye chila wakati wa mashaka.

Isaya 8:17

Ndamgodza Mwenyezi Mlungu na kumkuluphira iye bahi, iye ambaye akalozera kogo chivyazi cha Jakobo.

Zaburi 123:2

Lola, dza viratu ahendadzi-kazi akuluphiravyo matajiri gao, dza viratu muhendadzi-kazi mchetu akuluphiravyo tajiriwe mchetu, ndivyo swiswi hunavyokukuluphira uwe Mwenyezi Mlungu, Mlungu wehu, hadi ndiphohuonera mbazi.

Zaburi 119:41

Mendzwayo isiyosika nainedzere, ee Mwenyezi Mlungu na wokofuo naunedzere kulengana na ahadiyo.

Zaburi 62:5

Nkahurira namgodzera Mlungu bahi mana ndiye kuluphiro rangu.

Zaburi 62:1

Nkahurira, namgodza Mlungu bahi, wokofu wangu ula kpwakpwe.

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Mwandzo 49:17

Dani undakala dza nyoka njirani, nyoka ya sumu kali kanda-kanda ya njira, ingʼatayo majimbe ga farasi ili ariye dzulu ya farasi agbwe chingari-ngari.

Kutsama 15:2

Mwenyezi Mlungu ndiye mkpwotse na nguvu yangu iye ndiye achiyenitivya. Iye ni Mlungu wangu, nami ndamtogola kpwa mawira. Iye ni Mlungu wa akare angu, nami nindaimba kumtogola.

Misemo 14:32

Atu ayi nkuangamizwa ni dambi zao, ela enye haki ana tumaini hata bada ya kufwa.

Hosea 12:7

Achuzi anahumira vipimo vya wiivi dza atu a Akanani, anamendza kuiyira atu.