Mwandzo 48:16 - Digo Bible

¹⁶ na ye Malaika yenitivya na mai gosi, naabariki ana hano. Maisha gao nagahende dzina rangu na madzina ga akare angu, Burahimu na Isaka gatambukirwe. Navoya aenjerezeke sana himu duniani.”

Mwandzo 48:16 Referans Kwoze

Zaburi 34:22

Mwenyezi Mlungu anativya maisha ga atumishie, takuna hata mmwenga wa hinyo achimbirirao urindzi wa Mlungu ndiyeharirwa kukala ana makosa.

Mwandzo 49:22

Yusufu u dza mzabibu uvyalao sana, mzabibu urio kanda-kanda ya pula za madzi, ambao pandaze zinaambala dzulu ya ukuta.

Mwandzo 48:5

Anao airi ambao waavyala hipha Misiri kabila sidzangbwekpwedza, ni anangu. Efuraimu na Manase andakala anangu dza viratu Rubini na Simioni.

2 Timothi 4:18

Naye Bwana andanitivya na chila hendo ra uyi, na anitsukule salama hadi mlunguni kusagala na atue. Mlungu naatogolwe hata kare na kare. Amina.

Joshuwa 17:17

Ela Joshuwa waambira atu a nyumba ya Yusufu yani Efuraimu na Manase, “Mwimwi mu anji na muna mkpwotse tamuweza kuphaha seemu mwenga bahi.

Aeburania 11:21

Kpwa kukuluphira, Jakobo ariphokala a phephi na kufwa, waajaliya ana osi airi a Yusufu, na kumuabudu Mlungu kuno akadzizuwiya na fwimboye.

Mahendo 15:17

Nao atu anjina aniendze mimi Mlungu, na atu osi asio kala Ayahudi aihwao kpwa dzina rangu aniendze. Vivi ndivyo aambavyo Mwenyezi Mlungu ahendaye mambo gaga gosi,

Johana 17:15

Sivoya ili uause himu duniani, ela nakuvoya uarinde na yuya Mui, yani Shetani.

Isaya 63:9

Katika kugaya kpwao, iye naye wagaya, na malaika kula mbere za Mlungu waativya. Kpwa mendzwaye na mbazize waakombola, na waaroroma dza anae pho kare.

Zaburi 121:7

Mwenyezi Mlungu andakurinda na uyi wosi, naye andarinda maishago.

Tito 2:14

Wadzilavya ili ahukombole na uyi wosi na ahutakase hukale atue mwenye, ario na hamu ya kuhenda manono.

1 Akorintho 10:9

Wala husimjeze Mlungu dza akare ehu anjina arivyohenda, nao achiolagbwa ni nyoka.

Amosi 9:12

ili Aiziraeli amiliki seemu ya tsi ya Edomu iriyosala na atu osi asio kala Ayahudi aihwao kpwa dzina rangu,” Mwenyezi Mlungu andahenda gaga anaamba.

1 Akorintho 10:4

Na osi anwa madzi mamwenga ga chiroho. Mana anwa madzi ga dziwe ra chiroho ambaro kala richialunga-lunga, na dziwe hiro kala ni Jesu.

Arumi 8:23

Chisha phahi, si viumbe macheye viulavyo, ela hata sisi, huriohewa Roho Mtakatifu kutatiswa manono ndigophaha, naswi hunaula mwehu mioyoni. Mana hunagodza Mlungu ahuphe haki yosi ya kukala anae, yani kuhupha miri miphya yohulaga.

Mathayo 6:13

Usihuriche hukatiywa dambini ni Shetani, ela hutivye na ye mui.

Malaki 3:1

Mwenyezi Mlungu, Mlungu wa majeshi anaamba, “Lola, ninatanguliza muhumwa wangu mberezo ndiye nitayarishira njira. Iye Mwenyezi Mlungu mumlondaye andakpwedza kpwenye Nyumba ya kuvoya Mlungu gafula. Lolani hiye muhumwa wa chilagane mumlondaye aredza.”

Jeremia 14:9

Mbona unakala dza mutu usiyeterya, dza mutu asiyeweza kuokola? Uwe u kahi yehu, ee Mwenyezi Mlungu na hunaihwa kpwa dzinaro hunakuvoya usihuriche.

Isaya 47:4

Mkomboli wehu, Mwenyezi Mlungu, Mlungu wa majeshi ndiro dzinare, iye ndiye Mtakatifu wa Iziraeli.

Zaburi 34:7

Malaika wa Mwenyezi Mlungu nkurinda hinyo amuogophao na akaativya.

Zaburi 34:2

Nindadzikarya kpwa go ambago Mwenyezi Mlungu akahenda, osi agayao naasikire na ahererwe!

2 Nyakati 7:14

Ichikala atu angu aihwao kpwa dzina rangu andagbwa maguluni anivoye, aniendze na ariche njira zao mbii, phahi mino ndasikira kula hiko mlunguni na ndaaswamehe dambi zao na tsi yao ndaiphoza.

Kumbukumbu 33:17

Mkpwotsewe ni dza wa ndzau wa mwandzo, na pembeze ni dza za nyahi. Andazihumira kusukuma mataifa; gosi andagasukuma hadi pembe za dunia. Pembe hizo ni Efuraimu ariye na elufu kumi na maelufu ga Manase.”

Kumbukumbu 28:10

Mataifa gosi duniani gachiona kukala Mwenyezi Mlungu akakutsambulani mkale atue, gandakuogophani.

Isabu 1:46

kala ni atu elufu magana sita na tahu, magana matsano na mirongo mitsano.

Kutsama 1:7

ela uvyazi wa Aiziraeli wavyalana, na uchienjerezeka sana. Akala anji, hata tsi yosi ichiodzala aho.

Mwandzo 32:28

Yuya mutu achiamba, “Vivi kundaihwa tsona Jakobo, undaihwa Iziraeli, mana ukabwagana na Mlungu na anadamu na ukashinda.”

Mwandzo 22:11

Ela malaika wa Mwenyezi Mlungu achimuiha Burahimu kula mlunguni, achimuamba, “Burahimu! Burahimu!” Naye achiihika achiamba, “Hee, himi!”

Mwandzo 22:15

Malaika wa Mwenyezi Mlungu wamuiha Burahimu tsona kula mlunguni

Mwandzo 46:3

Achimuamba, “Mimi ndimi Mlungu, Mlungu wa sowe. Usiogophe kuphiya Misiri, mana hiko nindahenda uvyazio ukale taifa kulu.

2 Samueli 4:9

Ela Daudi wajibu Rekabu na mwanao Baana, ana a Beerothi achiaambira, “Naapa kpwa dzina ra Mwenyezi Mlungu ariye moyo, ariyenitivya kula kpwenye shida zosi,

Jeremia 15:21

Nindakukombola kula mikononi mwa atu ayi, na kukukpwakpwatsula kula kombeni mwa asio na mbazi. Mimi Mwenyezi Mlungu nkaamba.”

1 Afalume 1:29

Naye mfalume waapa achiamba, “Kama vira Mwenyezi Mlungu aishivyo, Iye chiyetivya maisha gangu na tabu zosi,

Zaburi 34:8

Tatani muone vira Mwenyezi Mlungu arivyo mnono. Baha mutu anayemchimbirira iye.