Mwandzo 47:29 - Digo Bible

²⁹ Ariphokala a phephi na kufwa, wamuiha mwanawe Yusufu, achimuamba, “Sambi uchikala unanimendza kpweli, tiya mkpwonoo phangu magoni na uape kukala undaishimu na kuhenda nilondago. Usinizike hiku Misiri,

Mwandzo 47:29 Referans Kwoze

Kumbukumbu 31:14

Mwenyezi Mlungu achimuambira Musa, “Vivi sikuyo ya kufwa ikafika. Muihe Joshuwa, mwedze phamwenga kpwenye hema ra mkpwutano kusudi nimuphe malagizo.” Phahi, Musa na Joshuwa aphiya achendaima kpwenye hema ra mkpwutano,

Mwandzo 24:49

Sambi ichikala mundamuonyesa mendzwa isiyosika na uaminifu bwana wangu, niambirani, na ichikala sivyo, piya niambirani, nimanye ra kuhenda.”

Mwandzo 24:2

Burahimu wagomba na mtumishiwe mvyere wa osi pho phakpwe kaya ambaye kala ndiye muimirizi wa malize zosi achimuamba, “Ika mkpwonoo tsini ya nyonga yangu.

1 Afalume 2:1

Daudi ariphokala a phephi na kufwa, wamuiha mwanawe Selemani, achimlagiza achimuamba,

Aeburania 11:22

Kpwa kukuluphira, Yusufu ariphokala maishage ga phephi na mwisho, wagomba kuhusu ana a Iziraeli ndivyotuluka Misiri, tsona achilagiza kuhusu kuzika mifuphaye badaye.

Aeburania 9:27

Na dza viratu ambavyo ni lazima anadamu osi afwe limwenga na badaye ahukumiwe,

Zaburi 89:48

Ni mwanadamu yuphi ambaye anaweza kuishi asifwe? Ni ani awezaye kudzikombola kula kpwa nguvu za kuzimu?

Zaburi 49:9

kumuhenda aenderere kukala moyo hata kare na kare bila ya kuona kaburi.

Zaburi 49:7

Hakika takuna mutu awezaye kudzikombola mwenye au kumripha Mlungu mzamana ili akale moyo.

Zaburi 6:5

Atu ariofwa, taakutambukira tsona. Ni ani awezaye kukutogola kula kuzimu?

Ayubu 30:23

Ee namanya undaniphirika hata chifoni, phatu phariphopangirwa osi ario moyo.

Ayubu 14:14

Dze, mutu achifwa anaweza kuuya moyo tsona? Mutu mimi ningegodzera, siku zosi za utumishi wangu, hata wakati wangu wa kuvugulwa ukafika.

Ayubu 7:1

Mwanadamu ana kazi ngumu phapha duniani! Nazo sikuze ni dza za mchibaruwa!

2 Samueli 14:14

Kpwa kpweli swiswi hosi lazima hundafwa, naswi hu dza madzi garigomwagika photsi, gasigowezekana kuzoleka tsona. Ela Mlungu kausa uhai wa mutu, badalaye iye nkutengeza njira ili iye ariyezolwa asienderere kukala kure naye.

2 Samueli 7:12

Sikuzo zichifika nawe uchifwa na kuzikpwa phamwenga na akareo, ndakuunurira mwanao, mmwengawapho wa anao mwenye, nami ndauhenda ufalumewe ukale imara.

Mwandzo 47:9

Jakobo achimuambira mfalume, “Miaka ya charo changu himu duniani ni gana mwenga na mirongo mihahu. Miaka hino ni michache na taidzangbwefika miaka yoishi akare angu, tsona yakala ya kugaya.”

Mwandzo 3:19

Undarya jashoro, hadi ndiphofwa na kukala mitsanga tsona, kpwa mana wala mtsangani. Uwe waumbwa na mitsanga na mtsangani undauya.”

Mwandzo 27:2

Isaka achimuamba, “Lola, mino ndipho ni mtumia na siku zangu za kufwa sizimanya.

Mwandzo 50:5

baba phokala a phephi na kufwa, wanirisa chirapho achiamba, ‘Siku nchifwa kanizike kpwenye mbira yoitayarisha hiko tsi ya Kanani.’ Phahi nirichani nikazike baba, chisha nindauya.”

1 Samueli 26:10

Daudi achienderera kuamba, “Naapa kpwa Mwenyezi Mlungu ariye hai, kukala Mwenyezi Mlungu mwenye andampiga, au sikuye ya kufwa indafika, au andaphiya vihani akafwerere kuko.

2 Samueli 2:32

Joabu na atue amuhala Asaheli achendamzika kpwenye mbira ya ise yokala hiko Bethilehemu. Chisha achinyendeka usiku kucha hata anafika Heburoni, kukacha.

Mwandzo 48:21

Chisha Iziraeli achimuambira Yusufu, “Lola, siku zangu za kufwa zi phephi, ela Mlungu andakala phamwenga namwi na kukuuyizani tsi ya akare ehu.

Mwandzo 50:12

Ana a Jakobo amuhendera ise yao viratu vyoalagiza.

Kumbukumbu 31:16

Mwenyezi Mlungu achimuambira Musa, “Sambi u phephi na kufwa dza akareo na bada ya chifocho, atu andaandza kuniricha na kulunga milungu yanjina ya tsi iyo ambamo andaphiya kpwendasagala. Andaniricha na kuvundza chilagane nricholagana nao.

Joshuwa 2:14

Nao hara atu achimuamba, “Tamundaolagbwa, na mchiolagbwa phahi Mlungu naahuone! Ichikala kamundasema siri yehu, phahi naswi hundakuhenderani manono kpwa uaminifu wakati Mwenyezi Mlungu ndiphohupha tsi hino.”

Joshuwa 23:14

“Wakati wangu wa kufwinya matso kama irivyo kawaida ya atu osi duniani ukafika. Namwi mnamanya mwenu mioyoni na rohoni kukala takuna hata dzambo mwenga nono rokuahidini Mwenyezi Mlungu, Mlungu wenu ambaro kayarihenda.