Mwandzo 37:35 - Digo Bible

³⁵ Anae osi alume na achetu amʼbembeleza, ela achirema. Achiamba, “Aa, nindamririra mwanangu hadi ndiphophiya ko kuzimu ariko.” Phahi, waenderera kumririra mwanawe.

Mwandzo 37:35 Referans Kwoze

Ayubu 2:11

Asena ahahu a Ayubu, Elifazi kula Temani, Bilidadi kula Shuwa na Sofari kula Naama ariphosikira mai garigomphaha, apangana, achikutana achiphiya phamwenga kpwendamphoza marenda.

2 Samueli 12:17

Na atumishi avyere a nyumbaye akpwendaima phephi naye ili amrai aunuke kula hipho photsi, ela kayakubali, wala kayarya chitu chochosi phamwenga nao.

Mwandzo 42:38

Ela Jakobo achiamba, “Sindalavya mwanangu mkaphiya naye; nduguye wafwa na wasala iye tu. Achiphahwa ni utu uyi mo njirani nindafwa na mkunguru mana mimi ndipho ni mtumia.”

Jeremia 31:15

Mwenyezi Mlungu anaamba, “Sauti inasikirika hiko Rama ya chiriro na sonono. Raheli anaririra anae; anarema kunyamazwa mana kandaaona tsona.”

Zaburi 77:2

Wakati nriphokala nina tabu namuendza Mwenyezi Mlungu, usiku wosi námvoya kuno nkaunula mikono yangu ela moyo wangu tauyahurira.

Mwandzo 45:28

Achiamba, “Kpwa kpweli mwanangu Yusufu achere moyo! Nindaphiya nikamuone kabila sidzangbwefwa.”

Mwandzo 42:31

Ela swino huchimuambira, ‘Swiswi hu atu aaminifu, sio makachero.

Mwandzo 31:43

Labani wamuamba Jakobo, “Hano achetu ni anangu na ana aho nao ni uvyazi wangu. Mifugo hino ni yangu. Mali yosi uionayo ni yangu. Ela siweza kuahenda rorosi anangu wala adzukulu angu.

Mwandzo 25:8

Chisha achifwa, naye kala akakala mtumia sana. Achizikpwa phamwenga na akaree.

Mwandzo 35:29

Wafwa mtumia sana, warya munyu munji. Anae Esau na Jakobo amzika phao vikurani, phozikpwa tsawe yao Burahimu.

2 Samueli 12:23

Ela vino akafwa, nfungire utu wani? Dze, naweza kumuuyiza moyo tsona? Siku mwenga mimi ndaphiya hiko ariko ela iye kandaniuyira tsona.”

Muhubiri 9:10

Chochosi ndichojaliwa kuchihenda, chihende kpwa mkpwotseo wosi, mana kuko kuzimu uphiyako takuna kazi, wala ushauri, wala marifwa wala ikima.

Mwandzo 48:11

Jakobo achimuambira Yusufu, “Kala naona sindakuona tsona mwanangu, ela mbavi Mlungu andanijaliya nione hata anao.”

2 Samueli 19:1

Chisha Joabu waambirwa, “Mfalume anarira na kusononeka kpwa ajili ya Abusalomu.”

1 Nyakati 7:22

Naye ise yao Efuraimu waaririra siku nyinji, na anáo achedza kumupha pore.

Zaburi 77:3

Ee Mlungu, nákutambukira uwe kpwa kuula; Nchiririkana, nchivundzika moyo.