Mwandzo 3:19 - Digo Bible

¹⁹ Undarya jashoro, hadi ndiphofwa na kukala mitsanga tsona, kpwa mana wala mtsangani. Uwe waumbwa na mitsanga na mtsangani undauya.”

Mwandzo 3:19 Referans Kwoze

Muhubiri 12:7

Mana hipho ndipho vumbi rindauya mtsangani na roho imuuyire Mlungu ariyeiumba.

Ayubu 34:15

anadamu osi angeangamika chivyamwenga, na mwanadamu angeuya mtsangani.

Zaburi 104:29

Uchivilozera kogo, vinaogopha; uchiviusira pumuzi, vinafwa, na kuuya mtsangani virikola.

Mwandzo 2:7

Mwenyezi Mlungu achiumba mwanadamu kula vumbini, achimvuvurira pumuzi za uzima pulani na yuya mutu achikala chiumbe chiricho moyo.

Zaburi 90:3

Ukuuyiza atu mtsangani, na kuamba, “Mwi anadamu, uyani mrikola!”

Aefeso 4:28

Muivi naariche kuiya, na badalaye ahende kazi ya sawa, ili aphahe chitu cha kuganya na ayae ambao taana.

Muhubiri 3:20

Osi nkuphiya phatu phamwenga. Osi ala mtsangani na osi andauya mtsangani.

Mwandzo 18:27

Burahimu achijibu achiamba, “Hai, Mwenyezi Mlungu, kpwa kukala jasiri wa kugomba nawe dzagbwe mimi ni vumbi tu.

Danieli 12:2

Atu anji ariofwa, andafufuka, anjina ainjire uzima wa kare na kare, na anjina aphahe waibu na kuberwa hata kare na kare.

Muhubiri 1:3

Mutu anaphaha fwaida yani kpwa kazi ahendayo phano tsini ya dzuwa?

Zaburi 22:15

Umiro wangu ukauma dza chidzaya na lilimi rangu rikagbwirana na lilakalaka. Nawe ukaniricha vumbini ili nifwe.

Mwandzo 23:4

“Mimi ni mjeni na mcharo nisagalaye kahi yenu. Niguzirani phatu phakale vikurani ili nizike mkpwazangu.”

2 Athesalonike 3:10

Mana hata huriphokala hosi hwakulagizani hiri: “Yeyesi ambaye ni mvivu wa kazi, naasirye.”

Zaburi 103:14

Mana anamanya vira hurivyoumbwa, anatambukira kukala swiswi hu mitsanga.

1 Athesalonike 2:9

Enehu, ikale tamtambukira hurivyohenda kazi kpwa chadi? Wakati huriphokutangazirani neno ra Mlungu, hwahenda kazi usiku na mutsi, ili maitaji gehu gasikale mzigo kpwenu.

Muhubiri 5:15

Vyo arivyotuluka chitsaha kula ndanini mwa nine zao, ndivyo ndivyouya kuko arikola bila chitu. Kandaweza kuphiya na hata seemu ndide ya mapatoge mwakpwe mikononi.

Muhubiri 1:13

Náhenda chadi kuchunguza na kuendza kpwa ikima chila chitu chihendekacho hipha tsini ya dzuwa. Mlungu waapha anadamu kazi ngumu.

Misemo 21:16

Mutu aikosaye njira ya busara andadziphaha kundi ra afwadzi.

Zaburi 22:29

Matajiri osi duniani andaabudu mbereze, osi ambao nkufwa andachita mavwindi mbereze, osi ambao taaweza kudziika moyo.

Ayubu 21:26

Osi nkulala mtsangani na kubwiningizwa ni mabulu.

Ayubu 19:26

Na bada ya ngozi yangu kubanangbwa vivi, hata nchikala kpwenye mwiri uhu nindamuona Mlungu na matso gangu.

Ayubu 1:21

Achiamba, “Nátuluka ndanini mwa mayo chitsaha, nami ndauya chitsaha. Mwenyezi Mlungu wanipha, na Mwenyezi Mlungu akahala, dzinare naritogolwe.”

1 Akorintho 15:47

Adamu, mutu wa kpwandza, waumbwa kula kpwa ulongo wa dunia, ela Jesu, mutu wa phiri, wala mlunguni.

Aeburania 9:27

Na dza viratu ambavyo ni lazima anadamu osi afwe limwenga na badaye ahukumiwe,

Mwandzo 3:18

Tsi indamera miya na kpwekpwe, na uwe undarya mimea ya mundani.

Ayubu 4:19

dze, nyo asagalao nyumba za ulongo ambao misingi yao i mtsangani awezao kuolagbwa chirahisi dza popho?

Zaburi 104:23

Atu nao nkutuluka achaandza kazi zao nao nkukala na chadi cha kuhenda kazi hadi dziloni.

Zaburi 127:2

Ni kazi ya bure kurauka ligundzu na kulala kuchelewa, na kuphaha chakurya kpwa tabu. Mana Mlungu nkuatimizira mahitaji ga anaoamendza na kuapha usingizi mnono.

Mwandzo 5:5

Adamu wafwa kala ana miaka magana tisiya na mirongo mihahu.

Ayubu 10:9

Tambukira waniumba na ulongo, vino undaniuyiza mtsangani tsona?