Mwandzo 29:35 - Digo Bible

³⁵ Halafu wagbwira mimba yanjina tsona na ariphovyala mwana mlume achiamba, “Sambi charo chino nindamtogola Mwenyezi Mlungu,” kpwa hivyo achimuiha Juda. Chisha Lea achisika kuvyala.

Mwandzo 29:35 Referans Kwoze

Mathayo 1:2

Burahimu wavyala Isaka, Isaka achivyala Jakobo, naye Jakobo achivyala Juda na nduguze.

1 Nyakati 5:2

Dzagbwe mbari ya Juda ndiyo iriyokala na nguvu kushinda mbari zosi za Iziraeli na kahi ya chivyaziche kpwatuluka mfalume, ela haki ya mvyalwa wa kpwandza yahewa Yusufu).

Kumbukumbu 33:7

Kuhusu mbari ya Juda achiamba, “Ee Mwenyezi Mlungu phundza chiriro cha mbari ya Juda; muuyize tsona kpwa atue. Pigana kpwa mikonoyo kpwa ajiliye, uterye mbari ya Juda mbere za maaduige.”

Mwandzo 35:26

Ana alume ariovyalwa ni Zilipa, mtumishi mchetu wa Lea, kala ni Gadi na Asheri. Hinya ndio ana alume a Jakobo, ariovyalwa Padani-Aramu.

Mwandzo 46:12

Juda na anae alume yani ano Eri, Onani, Shela, Peresi na Zera. (Ela Eri na Onani afwa Kanani.) Ana alume a Peresi kala ni Hezironi na Hamuli.

Isabu 1:26

Alume osi kula chivyazi cha Juda kuandzira miaka mirongo miiri na kpwenderera ambao kala anaweza kuphiya vihani, aandikpwa madzina kulengana na mryangowe na nyumbaye.

Isabu 34:19

Higa ndigo madzina gao: Kalebu mwana wa Jefune kula mbari ya Juda,

Mwandzo 30:9

Lea ariphoona akasika kuvyala, wahala mtumishiwe Zilipa, achimupha Jakobo ili akale mchewe.

Ezekieli 48:7

Kuphakana na mtalo wa Rubini, kula uphande wa mlairo wa dzuwa hadi mtswerero wa dzuwa undakala mtalo wa Juda.