Mwandzo 27:28 - Digo Bible

²⁸ Mlungu akuphe mvula nyinji na minda ya rutuba ili uphahe mavuno manji na uchi munji.

Mwandzo 27:28 Referans Kwoze

Kumbukumbu 33:28

Kpwa hiyo, atu a Iziraeli achisagala salama, chivyazi cha Jakobo machiyao, kpwenye tsi yoodzala mtsere na uchi wa zabibu, tsi ambayo inaphaha manena kula mlunguni.

Kumbukumbu 33:13

Kuhusu mbari ya Yusufu achiamba, “Mwenyezi Mlungu ajaliye tsiiye, kpwa baraka nono kabisa kula dzulu mlunguni na manena, na kpwa madzi galago tsini.

Zaburi 133:3

Avi ni manena ga mwango Herimoni, gagbwago dzulu ya mwango Sayuni! Mana kuko ndiko ambako Mwenyezi Mlungu arikoahidi kulavya baraka, na uzima wa kare na kare.

2 Samueli 1:21

Mwino myango ya Giliboa, dzulu yenu kusikalepho manena wala mvula, wala minda ivyalayo chitu. Mana kuko ngao za masujaa zatiywa najisi, ngao ya Sauli, taindapakpwa mafuha tsona.

Kumbukumbu 32:2

Mafundzo gangu gandateha-teha dza mvula, maneno gangu gandatwena dza manena. Gandakala dza manyunyu kpwenye mimea mitsanga, dza mvula chache-chache kpwenye nyasi.

Kumbukumbu 7:13

Andakumendzani na kukujaliyani namwi mundaenjerezeka na kukala na uvyazi. Andabariki minda yenu kusudi mphahe mtsere, uchi wa zabibu na mafuha. Andakubarikini kpwa kukuphani ngʼombe na vyaa vinji vya mangʼondzi kpwenye tsi ariyoalaga akare enu kukala andakuphani mwimwi.

Zakariya 8:12

‘Mana atu andaphanda kpwa amani, mizabibu indavyala matundage, tsi indalavya mavuno na mlunguni kundalavya manena. Nindaapha atu aha ariosala vitu hivi vyosi vikale vyao.

Joeli 2:19

Mwenyezi Mlungu achijibu atue achiamba, “Lolani ninakureherani mtsere, uchi muphya wa zabibu na mafuha hadi mtosheke. Wala sindakuhendani muberwe kahi ya mataifa ganjina.

Isaya 45:8

Ko dzulu mlunguni nakumwage haki dza ingu ra mvula, tsi naivuguke ili wokofu na haki vimere phamwenga. Mimi Mwenyezi Mlungu nikaviumba.

Zaburi 104:15

uchi wa zabibu wa kuachangamusha, mafuha ga kuahenda nyuso zao zinyinyihe, na chakurya cha kuatiya nguvu.

Zaburi 36:8

Ukuamvunisa na unji wa vitu vya mwako nyumbani na kuanwesa kula muho wa manono urigo nago.

1 Afalume 17:1

Phahi Elija kula chidzidzi cha Tishibi ko Giliadi wamuambira mfalume Ahabu, “Kama Mwenyezi Mlungu, Mlungu wa Iziraeli aishivyo, Mlungu ambaye namuhumikira, takundakala umande wala mvula miaka hino michache yedzayo hadi ndiphogomba.”

Isabu 18:12

“Ninakuphani mavuno gosi ga kpwandza ambago Aiziraeli anamlavira Mwenyezi Mlungu, ga mafuha gosi manono-manono ga zaituni, ga uchi muphya na ga mtsere.

Aeburania 11:20

Kpwa kukuluphira, Isaka waajaliya anae, Jakobo na Esau kuhusu mambo ndigoaphaha badaye.

Zakariya 9:17

Atue andakala anono sana! Mtsere na uchi muitsi undaahenda avulana na asichana akale vitibwatibwa.

Mika 5:7

Hinyo ndiosala kahi za atu a Jakobo, andasagala kahi za atu a mataifa manji. Nao andakala dza umande kula kpwa Mwenyezi Mlungu, dza mawasa ga mvula nyasini ambago tagachelewa kpwa sababu ya mutu wala tagagodza anadamu.

Jeremia 14:22

Dze, kahi ya yo milungu ya mataifa ganjina kuna anayeweza kureha mvula? Au ko mlunguni kunaweza kureha mvula kpwenye? Uwe macheyo ndiwe uwezaye, ee Mwenyezi Mlungu, Mlungu wehu! Uwe ndiwe kuluphiro rehu, mana uwe ndiwe uhendaye gaga gosi.

2 Nyakati 2:10

Nami ndaaripha atumishio ambao ni aahuladzi a mbao, viphinda elufu mirongo mine vya nganu iriyobundugbwa, viphinda elufu mirongo mine vya shayiri, madaba elufu mirongo miiri ga uchi wa zabibu na madaba elufu mirongo miiri ga mafuha ga zaituni.”

1 Afalume 5:11

Naye Selemani wamupha Hiramu mtsere madaba laki mbiri na mirongo miiri na mafuha swafi madaba magana mairi na mirongo miiri chila mwaka, kpwa ajili ya atu a nyumbaye.

Joshuwa 5:6

Mana Aiziraeli asafiri jangbwani miaka mirongo mine, hata alume osi ariokala ana uwezo wa kuphiya vihani wakati anatuluka Misiri, kala akasira kufwa kpwa kusaphundza sauti ya Mwenyezi Mlungu. Yakala hivyo mana Mwenyezi Mlungu kala akaapira atu hinyo kukala taandaona tsi hira ambayo waapira akare aho kukala andaapha, tsi yenye rutuba.

Mwandzo 49:20

Asheri, mavunogo gandakala manji na manono, gamfwahago mfalume.

Mwandzo 45:18

Mkamuhale baba na atu enu. Nami nindakuphani seemu nono kabisa ya tsi ya Misiri na mundafwaidi vya kunona kahi ya yo tsi.’

Arumi 11:17

Uwe u dza panda ya mzaituni wa tsakani yogbwizanywa na hinyo mzaituni mtakatifu. Phahi unaphaha fwaida ya mizi minono ya hinyo mzaituni mtakatifu. Ela ichikala panda zanjina zakatwa,

Isabu 13:20

Piya mmanye ichikala mtsanga wa yo tsi ni mnono au si mnono, napho kuna mihi au takuna. Hendani dzulu tsini mrehe seemu ya matunda ga yo tsi.” Uho wakala ni wakati wa zabibu za mwandzo-mwandzo kuivwa.

Mwandzo 27:39

Ndipho ise achimuamba, “Makalogo gandakala kure na minda yenye rutuba, kusikogbwa manena kula mlunguni.

Mwandzo 27:37

Isaka achimuambira Esau, “Lola, nkamuhenda dzumbeo na nkamupha nduguze osi akale atumishie, na nkamupha mavuno na uchi. Sambi siweza kukuhendera rorosi mwanangu.”

Mwandzo 49:25

Mlungu wangu naakuterye, Mwenye Nguvu Zosi akujaliyaye na baraka ya mvula kula mlunguni na madzi kula photsi, akujaliyaye na mifugo minji na vivyazi vinji.

Misemo 3:20

Kpwa marifwage vilindi vya madzi vyatsembuka, na maingu ganatweneza manena.

Misemo 19:12

Tsukizi za mfalume ni dza ngurumo ya simba, ela mendzwaye ni dza manena garigo nyasini.