Mwandzo 21:7 - Digo Bible

⁷ Chisha achiamba, “Ni ani angemuambira Burahimu kukala Sara andaamwisa ana? Ela nikamvyarira mwana mlume kahi ya utumiawe.”

Mwandzo 21:7 Referans Kwoze

Isaya 66:8

Ni ani ariyesikira utu dza huno? Ni ani ariyeona mambo dza gano? Dze, tsi inaweza kuvyalwa kpwa siku mwenga? Au taifa kuvyalwa gafula? Ela Sayuni iriphogbwirwa ni utsungu tu, yavyala anae mara mwenga.

2 Athesalonike 1:10

Higa gandakala hipho siku Jesu ndiphokpwedza ili aphahe nguma kula kpwa atakatifue. Osi amukuluphirao andaona ajabu achiona vira arivyo. Na sio aho bahi, ela hata mwimwi muaminio ushuhuda wehu.

Aefeso 3:10

Ela sambi Mlungu anahumira atue kuonyesa viumbe vyosi vitawalavyo na virivyo na uwezo hiko mlunguni vira arivyo na marifwa manji.

Isabu 23:23

Taphana utsai unaoweza kuloga Jakobo, wala muhaso unaoweza kuhumirwa chinyume cha Iziraeli. Atu andaamba kuhusu Jakobo yani Iziraeli, ‘Lolani vyo Mlungu arivyohenda!’

Zaburi 86:10

Mana uwe u mkpwulu na unahenda mambo ga ajabu. Uwe macheyo u Mlungu.

Zaburi 86:8

Kahi ya milungu yosi takuna ariye dza uwe, ee Mwenyezi Mlungu wala awezaye kuhenda dza gago uhendago uwe.

Isaya 49:21

Phapho ndipho ndiphogomba chimoyo-moyo uambe, ‘Ni ani ariyenivyarira ana hano? Náfwererwa na nchikala siweza kuphaha anjina, nchihalwa mateka nchiphirikpwa kure. Vino ni ani ariyearera hano? Kala nkarichwa machiyangu, vino hano alaphi?’ ”

Mwandzo 17:17

Burahimu wagbwa chimabumabu; achitseka na achigomba mwakpwe rohoni, “Mimi, mtumia wa miaka gana mwenga na Sara, mchetu wa miaka mirongo tisiya, kpwa kpweli tahuweza kuvyala mwana.”

Mwandzo 18:13

Mwenyezi Mlungu achimuamba Burahimu, “Mbona Sara anatseka na anaamba, ‘Pho mino naweza kuphaha mwana kpweli vivi nrivyo mtumia?’

Mwandzo 21:8

Isaka wakula na siku ariphorikiswa, Burahimu wahenda sharee kulu.

Jeremia 20:15

Naalaniwe ye mutu ariyemrehera baba habari, iye ariyemuhenda ahererwe kpwa kumuamba, “Ukavyarirwa mwana mlume.”

1 Afalume 3:21

Ligundzu nripholamuka na kutaka kuamwisa mwanangu, nchimuona akafwa. Nriphochunguza sana, nchimanya kukala siye mwanangu nriyemvyala.”

1 Afalume 11:20

Hiye mwanao mchetu wa Tapenesi wamvyarira Hadadi mwana ariyeihwa Genubathi. Genubathi warerwa ni Tapenesi ndani ya nyumba ya mfalume wa Misiri, phamwenga na ana a mfalume.