Mwandzo 21:6 - Digo Bible

⁶ Ndipho Sara achiamba, “Mlungu akanihenda ntseke na raha, na yeyesi ndiyesikira dzambo hiri andatseka phamwenga nami.”

Mwandzo 21:6 Referans Kwoze

Isaya 54:1

Mwenyezi Mlungu anaamba, “Imba uwe uriye tasa, uwe ambaye kuvyarire. Kota kululu uimbe kpwa raha, uwe usiyemanya utsungu wa kuvyala, mana ana a ye mchetu ariyerichwa ni anji kuriko nyo a iye ariye na mlume.

Zaburi 126:2

Miromo yehu yaodzala chitseko na malilimi gehu gachipiga njerejere, halafu atu a mataifa ganjina aamba: “Mwenyezi Mlungu akaahendera mambo makulu.”

Mwandzo 17:17

Burahimu wagbwa chimabumabu; achitseka na achigomba mwakpwe rohoni, “Mimi, mtumia wa miaka gana mwenga na Sara, mchetu wa miaka mirongo tisiya, kpwa kpweli tahuweza kuvyala mwana.”

Luka 1:58

Ndugu na majirani ga Elizabethi ariphosikira kala Mlungu akamjaliya mwana, ahererwa piya.

Luka 1:14

Ni raha ya viphi yo ndiyokala nayo, na atu anji andahererwadze ndiphovyalwa ye mwana!

Isaya 49:21

Phapho ndipho ndiphogomba chimoyo-moyo uambe, ‘Ni ani ariyenivyarira ana hano? Náfwererwa na nchikala siweza kuphaha anjina, nchihalwa mateka nchiphirikpwa kure. Vino ni ani ariyearera hano? Kala nkarichwa machiyangu, vino hano alaphi?’ ”

Zaburi 113:9

Nkumuhenda tasa akakala na mudzi, nkumuhenda akale na raha kpwa kumupha ana. Mwenyezi Mlungu naatogolwe!

Arumi 12:15

Atu achihererwa, namwi hererwani phamwenga nao; achisononeka, namwi sononekani nao.

Aeburania 11:11

Kpwa kukuluphira, Sara waphaha uwezo wa kuphaha mwana kpwa sababu waamini kala Mlungu ni muaminifu na andatimiza ahadize. Waphaha uwezo hinyo hata dzagbwe kala akatsupira miaka ya kuphaha mwana, mana kala ni mgumba.

1 Samueli 1:26

Hana wamuamba Eli, “Ee bwana wangu, kama urivyo moyo, mimi ndimi yuya mchetu nriyeima phephi nawe, nchimvoya Mwenyezi Mlungu.

Isaya 49:15

Dze, mchetu anaweza kuyala mwanawe aamwaye na asimuonere mbazi mwanawe wa kumvyala? Hata napho iye anaweza kuyala, ela mimi sindakuyalani bii!

Jeremia 20:15

Naalaniwe ye mutu ariyemrehera baba habari, iye ariyemuhenda ahererwe kpwa kumuamba, “Ukavyarirwa mwana mlume.”