Muhubiri 9:5 - Digo Bible

⁵ Kpwa sababu ario moyo anamanya kukala andafwa, ela atu a kufwa taamanya rorosi, wala taana maripho tsona. Mana takuna aatambukiraye tsona.

Muhubiri 9:5 Referans Kwoze

Isaya 26:14

Aho afwa na taandafufuka tsona, mana uwe waangamiza kpwenye uamulio nao andayalwa tsetsetse.

Muhubiri 1:11

Takuna mutu atambukiraye atu ariokalako pho kare hata nyo ndiokala bada ya swiswi taandatambukirwa ni nyo ndiolungira.

Zaburi 6:5

Atu ariofwa, taakutambukira tsona. Ni ani awezaye kukutogola kula kuzimu?

Aeburania 9:27

Na dza viratu ambavyo ni lazima anadamu osi afwe limwenga na badaye ahukumiwe,

Ayubu 14:21

Anae achihewa ishima ye kamanya, na achitserezwa cheo ye kana habari.

Muhubiri 2:16

Mana atu osi andafwa, enye ikima na azuzu nao taandatambukirwa, kpwa sababu siku zedzazo osi andakala akayalwa.

Zaburi 109:15

Mwenyezi Mlungu naatambukire dambi zao siku zosi, na aho enye naayalwe kabisa duniani.

Muhubiri 8:10

Nikaona atu ayi anazikpwato, aho ariokala achiinjira na kutuluka phatu phatakatifu, vivi anatogolwa kpwenye mudzi uho arimohenda mai. Gaga nago tagana mana.

Isaya 63:16

mana uwe ndiwe Baba yehu. Dzagbwe Burahimu kahumanya, na Iziraeli kahutambuwa, uwe Mwenyezi Mlungu, ndiwe Baba yehu, uwe ndiwe mkomboli wehu hangu kare.

Muhubiri 7:2

Baha kuinjira nyumba ya hanga kuriko kuinjira nyumba ya sharee. Mana hinyo ndio mwisho wa chila mwanadamu na osi ario moyo ni amanye.

Ayubu 30:23

Ee namanya undaniphirika hata chifoni, phatu phariphopangirwa osi ario moyo.

Muhubiri 9:4

Ela ariye moyo, achere na kuluphiro, hata diya ririro moyo rina baha kuriko simba wa kufwa.

Muhubiri 9:10

Chochosi ndichojaliwa kuchihenda, chihende kpwa mkpwotseo wosi, mana kuko kuzimu uphiyako takuna kazi, wala ushauri, wala marifwa wala ikima.

2 Samueli 14:14

Kpwa kpweli swiswi hosi lazima hundafwa, naswi hu dza madzi garigomwagika photsi, gasigowezekana kuzoleka tsona. Ela Mlungu kausa uhai wa mutu, badalaye iye nkutengeza njira ili iye ariyezolwa asienderere kukala kure naye.

Zaburi 88:13

Ela ninakuririra uwe, ee Mwenyezi Mlungu, chila ligundzu nkukuvoya.

Luka 20:32

Mwisho, hiye mchetu naye piya wafwa.