Muhubiri 9:12 - Digo Bible

¹² Mana mwanadamu kamanya wakatiwe undafika rini. Iye nkuphahwa ni wakati mui gafula dza ngʼonda agbwirwavyo ni nyavu na dza nyama a mapha agbwirwavyo ni mihambo.

Muhubiri 9:12 Referans Kwoze

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.

Misemo 29:6

Mutu mui nkutongeywa ni dambize, ela mwenye haki nkuimba na kuhererwa.

2 Timothi 2:26

Kpwa njira iyo andaphaha kungʼalwa ni matso achimbire muhego wa Shetani, ambaye waagbwira na achiahenda alunge mipangoye.

2 Akorintho 6:2

Kpwa mana Mlungu anaamba, “Wakati uriofwaha, nákuphundza, na siku ya kuokoka nchikuterya.” Phahi, uhu ndio wakati unaofwaha, na rero ndiyo siku ya kuokoka!

Misemo 6:15

Kpwa ajili ya higo, mai gandamphaha gafula, mara mwenga andalumizwa vibaya na kandaphola.

2 Petero 2:12

Aha alimu a handzo nkulaphiza vitu asivyovimanya. Ni dza nyama a weruni ahendao mambo bila kuririkana, na ariovyalwa ili agbwirwe na kuolagbwa. Mlungu andaangamiza dza viratu anadamu aolagavyo nyama.

1 Petero 2:12

Kalani na ndzimo nono ili hata ichikala atu asiomkuluphira Mlungu andakuzigani kukala mu ayi, aone mahendo genu manono hata aweze kumtogola Mlungu kpwa ajili yenu hipho siku ya kpwedzakpwe.

Luka 12:39

Ela mmanye: Kalapho mchina-nyumba anamanya saa edzerayo muivi, kpwa kpweli kangekubali nyumbaye ivundzwe.

Luka 12:20

Ela Mlungu achimuamba, ‘U mpumbavu uwe! Rero usiku undafwa. Sambi, vyo vitu vyodziikira akiba, vindakala vya ani?’ ”

Isaya 30:13

phahi uyi wenu undakala dza mwanya kpwenye ukuta mure ukuta ulondao kugbwa, na kugbwakpwe kundakala gafula bila kumanya.

Muhubiri 8:11

Uamuli wa mahendo mai isiphohendwa upesi, moyo wa mwanadamu undakala mairo kuhenda mai.

Zaburi 11:6

Iye andamwagira atu ayi makala ga moho na chibiriti avi ni mvula, andaatiya adabu na phuto ra dzoho kali.

Muhubiri 3:19

Mana mwisho wa mwanadamu ni sawa na mwisho wa nyama. Vyo afwavyo mwanadamu, ndivyo afwavyo nyama. Osi anaphuma sawa, mwanadamu kana cha zaidi kuriko nyama. Osi taadumu.

Muhubiri 9:13

Piya naona mfwano wanjina urionifwahira, wa mutu yekala na ikima phapha tsini ya dzuwa.

Isaya 24:18

Indakala chila achimbiraye sauti ya kuogofya andagbwa lwinani, na chila apandaye ili kutuluka lwinani, andagbwirwa ni muhego. Mana madirisha ga mlunguni gakavugulwa, na misingi ya dunia ikasukpwa-sukpwa.

Hosea 9:8

Iye nabii phamwenga na Mlungu wangu, ndiye mrindzi wa atu a Efuraimu. Ela akahegbwa dza nyama wa mapha chila njira atsupirayo, akamenwa hata kahi ya nyumba ya Mlunguwe.

Misemo 24:22

Mana andafikpwa ni shaka ra mara mwenga, na taphana amanyaye iyo adabu ya Mwenyezi Mlungu na ya mfalume indasira rini.

Muhubiri 8:8

Takuna mutu ariye na uwezo wa kuzuwiya roho isituluke; takuna mutu ariye na uwezo kuhusu siku ya kufwa. Wakati wa viha vivyo, takuna kuchimbira, wala uyi tauweza kutivya mutu auhendaye.

Ezekieli 32:3

“ ‘Mwenyezi Mlungu anaamba hivi: Ndakutsuphira nyavu yangu kahi-kahi ya atu anji, nao andakuvweha na nyavu yangu.

Hosea 7:12

Wakati anaphiya, nindaahegera nyavu, niagbwire dza nyama a mapha. Nindaatiya adabu kpwa mahendo gao mai.