Muhubiri 8:13 - Digo Bible

¹³ Ela mambo ga atu ayi tagandaaphihirato, wala taandakala na maisha mare dza chivurivuri cha dziloni chikalavyo chire. Kpwa mana taaogopha Mlungu.

Muhubiri 8:13 Referans Kwoze

Muhubiri 6:12

Mana ni ani amanyaye garigo manono kpwa mwanadamu wakati anaishi maishage mafupi gatsupago dza chivurivuri? Ni ani awezaye kumuambira mwanadamu mambo ndigohendeka bada ya iye kufwa hipha tsini ya dzuwa?

Isaya 3:11

Shaka hiro kpwa atu ayi! Mambo gao gandakala komakoma, mana higo chigohendera atu, nao andahendwa dza vivyo.

Ayubu 14:2

Iye nkubumuka dza ruwa, chisha akanyala, nkuuka mairo dza chivurivuri na kukoma kuishi.

Malaki 3:18

Na hipho ndipho mndiphoona tsona tafwauti kahi za ario na haki na ayi na tafwauti kahi za atu amuhumikirao Mlungu na asiomhumikira.”

Isaya 57:21

Mlungu wangu anaamba, “Takuna amani kpwa atu ayi.”

2 Petero 2:3

Alimu aha a handzo ana ndani kulu, nao andakuchengani-chengani na adisi za handzo ili aphahe pesa zenu. Ela hangu kare Mlungu a tayari kuaamula, nao bila shaka andaangamizwa.

Jakobo 4:14

Mwimwi tammanya maisha genu ndivyokala muhondo! Mana maisha genu ni dza guro ambaro nkutuluka kpwa muda alafu rikayaya.

Johana 5:29

nao andatuluka. Hara ariohenda manono andafufulwa na aishi hata kare na kare. Ela ariohenda mai andafufulwa, chisha aamulwe na kutiywa adabu.

Isaya 30:13

phahi uyi wenu undakala dza mwanya kpwenye ukuta mure ukuta ulondao kugbwa, na kugbwakpwe kundakala gafula bila kumanya.

Zaburi 144:4

Mutu ni dza mseho bahi sikuze avi ni chivurivuri chitsupacho.

Zaburi 55:23

Ela uwe Mlungu undaahenda hinyo aolagadzi na atu a handzo avoromoke dibwani hata tsini kabisa kabila ya nusu ya siku zao za kuishi duniani. Ela mino nindakukuluphira uwe.

Zaburi 39:5

Lola, ukahenda siku zangu zikale chache muda wa maisha gangu si chochosi kpwako. Kpwa kpweli chila mutu ni dza mseho tu!

Zaburi 11:5

Mwenyezi Mlungu nkupima atu a haki na ayi iye anamena atu amendzao fujo.

Ayubu 21:30

kukala atu ayi andarichwa wakati wa mafwa na kutivywa siku ya tsukizi za Mlungu.

Ayubu 20:5

kukala chitseko cha atu ayi ni cha muda mfupi, na kuhererwa kpwa asiomuogopha Mlungu ni kpwa muda tu.

Ayubu 18:5

Yo taa ya atu ayi inazimwa, na nyo mohowe taundangʼala.

Muhubiri 3:14

Ninamanya kukala chila chitu Mlungu ahendacho chindadumu ta kare na kare. Takuna chinachoweza kuenjerezwa au kuphunguzwa. Mlungu wagahenda gakale vivyo ili atu amuogophe.

Muhubiri 5:7

Ndoso nyinji na maneno manji tagana mana yoyosi. Chitu cha mana ni kumuogopha Mlungu.

Muhubiri 7:15

Kahi ya maisha gangu gasigodumu, náona mambo higa: náona mutu wa haki anafwa mapema dzagbwe ana haki, na mutu mui anaishi maisha mare dzagbwe ni mui.

Muhubiri 7:18

Phahi gbwira ro lagizo ra kpwandza na ro ra phiri piya. Mana amuogophaye Mlungu andakala na chiasi.

Muhubiri 8:8

Takuna mutu ariye na uwezo wa kuzuwiya roho isituluke; takuna mutu ariye na uwezo kuhusu siku ya kufwa. Wakati wa viha vivyo, takuna kuchimbira, wala uyi tauweza kutivya mutu auhendaye.

Isaya 65:20

Tamundakala tsona na vifo vya ana atsanga, na atumia nao taandafwa kabila ya siku zao, mana ndiyefwa na miaka gana mwenga andakala achere mwanache, na iye ambaye kandafisa miaka gana mwenga, atu andaona akalaniwa.

Zaburi 37:1

Usibabaishwe ni atu ayi, usionere wivu atu ahendao makosa.

Jeremia 44:10

Aho taadzangbwegbwa maguluni hadi rero wala kuogopha, wala kulunga shariya na amuri zangu ambazo nakuikirani mbere zenu na mbere za akare enu.