Muhubiri 4:1 - Digo Bible

¹ Chisha nchiona kuonerana kurikokala kunaenderera phapha tsini ya dzuwa: naona chiriro cha atu aonerwao, nao kala taana mutu wa kuaterya mana arioanera kala ana nguvu kuashinda.

Muhubiri 4:1 Referans Kwoze

Muhubiri 3:16

Zaidi ya gago, nikaona chitu chanjina phapha tsini ya dzuwa: Uyi ukahala phatu pha haki na usawa.

Muhubiri 5:8

Usiangalale uchiona achiya anaonerwa na kulafiwa haki yao kpwenye tsi, mana chila ariye na cheo anatetewa ni mkpwulu wanjina ariye dzuluye, na dzulu ya aho osi kuna mkpwulu zaidi anayeahehera.

Isaya 5:7

Mana munda wa mizabibu wa Mwenyezi Mlungu, Mlungu wa majeshi ni nyumba ya Aiziraeli na atu a Juda, ndio mbeyu yomhamira. Iye walola aone uamuli wa haki ela achiona uolagadzi, badala ya haki, achiona chiriro!

Jakobo 5:4

Lolani! Mwarema kuripha atu ariokuhenderani kazi mwenu mindani. Nayo mishahara ambayo taiyariphiwa inakuririrani. Chiriro cha hinya avunadzi chamfikira Mwenyezi Mlungu, Mlungu wa majeshi.

Mathayo 26:56

Ela gosi higa gahendeka ili ritimiye rira neno ra Mlungu rogombwa ni manabii.” Hipho anafundzie osi amricha achichimbira.

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”

Sonono za Jeremia 1:9

Ukolowe kala u wazi; kayaririkana sikuze za mbereni, kpwa hivyo chavuche ni cha kuangalaza, kana mutu wa kumsononekera. “Lola, kugaya kpwangu ee Mwenyezi Mlungu, mana ye adui akaniturya!”

Sonono za Jeremia 1:2

Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.

Isaya 51:23

Nami ndachitiya mikononi mwa nyo ariokugayisani, ariokuhendani mlale barabarani, na achikuvyogani dza mtsanga, na kutsupa dzulu ya myongo-myongo yenu.”

Zaburi 42:9

Ndamuamba Mlungu, mwamba wangu, “Kpwa utu wani ukaniyala? Kpwa utu wani niangaike na sonono kpwa kuteswa ni adui?”

Zaburi 42:3

Matsozi gangu gakakala avi ndicho chakurya changu usiku na mutsi chila wakati anaamba, “Akuphi ye Mlunguo?”

Zaburi 12:5

Ela Mwenyezi Mlungu anaamba, “Kpwa sababu achiya anaonerwa, na agayi anasononeka, ndaunuka, niaphahe usalama anaougodzera kpwa hamu.”

Ayubu 35:9

Kpwa sababu ya kuonerwa sana, atu nkurira, nkuririra msada kpwa go ahenderwago ni atu enye mkpwotse.

Isaya 59:7

Amaruru kuhenda mai, na kuhenda wangbwi wa kuolaga atu asio na makosa. Maazo gao ni ga uyi, chila phatu ainjirapho, nkuphabananga na kuphahenda gandzo.

Malaki 3:18

Na hipho ndipho mndiphoona tsona tafwauti kahi za ario na haki na ayi na tafwauti kahi za atu amuhumikirao Mlungu na asiomhumikira.”

Malaki 2:13

Dzambo ranjina muhendaro ni hiri: munaphaodzaza matsozi phatu pha kumlavira sadaka Mwenyezi Mlungu, kpwa kurira na kuula, kpwa sababu Mwenyezi Mlungu kaphokera tsona hizo sadaka zenu mana tazimfwahira.

Muhubiri 7:7

Kpwa kpweli kuonerwa nkumuhenda mwenye ikima mzuzu, na kuhongbwa nkubananga moyo.

Misemo 28:3

Mchiya achionera mnyonje, ni dza mvula kulu ibanangayo mimea.

Zaburi 142:4

Lola mkpwono wangu wa kulume uone, takuna mutu adzishuulishaye nami. Sina phatu pha kuchimbirira, taphana mutu anayenijali.

Zaburi 80:5

Ukahenda matsozi gakale chakurya chehu, na ukahunwesa matsozi bakuli tele.

Zaburi 69:20

Kulaphizako kunanivundza moyo, hata sina tamaa tsona. Naendza huruma ela kala takuna nchiendza atu akuniphoza roho siphahire.

Ayubu 16:4

Mimi piya ningegomba dza vyo mgombavyo, kalapho munatsupira gaga garigoniphaha ningegomba maneno chinyume chenu na kusukasuka chitswa changu.

Ayubu 6:29

Nakuvoyani mugaluke, msihende uyi. Galukani, mana sina makosa.

Aamuli 4:3

Mfalume Jabini wakala na magari ga vyuma ga kuvwehwa ni farasi magana tisiya. Iye mfalume waaonera sana Aiziraeli kpwa miaka mirongo miiri, nao achimririra Mwenyezi Mlungu aaterye.

Kumbukumbu 28:48

vivi undahumikira maaduigo ndigorehwa chinyumecho ni Mwenyezi Mlungu. Undagahumikira kuno una ndzala, chiru, u chitsaha na ukaphungukirwa ni chila chitu. Andakufunga gogolo ra chuma hadi akuangamize tsetsetse.

Kumbukumbu 28:33

“Taifa usirorimanya rindahala mavuno gosi ga tsiiyo na matunda ga jashoro nawe undaonerwa na kuteswa siku zosi.

Kutsama 1:22

Chisha Farao walavya malagizo kpwa atu osi achiamba, “Mwana wa chilume ndiyevyalwa ni Mueburania, mtsupheni muho wa Naili, ela mwana mchetu mricheni akale moyo.”

Kutsama 1:16

“Muchikala munavyalusa mchetu wa Chieburania, mlolenito vyo avyalavyo, achikala ye mwana ni mchetu, mricheni aishi, ela achivyala mlume, muolageni ye mwana.”

Misemo 19:7

Mchiya nkuzirwa ni nduguze, na asenae nkumchimbira tse! Hata achiarai taamuphundza!

Muhubiri 8:9

Náaza sana kuhusu gosi gahendekago phapha tsini ya dzuwa nami nchiona kukala kuna atu ambao nkugayisa ayawao.

Jeremia 16:7

Taphana mutu ndiyeapha chakurya afwererwa wala kuapha pore hata napho akafwererwa ni ise zao au nine zao.

Sonono za Jeremia 1:16

Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”

Ayubu 9:24

Dunia inatiywa mikononi mwa atu ayi, iye nkufunga vigungu aamulie. Ichikala si iye akale ni ani?

Zaburi 69:21

Anirisa sumu kama chakurya, na achininwesa digbwa ili kuniusira chiru.

Zaburi 142:5

Nakuririra uwe Mwenyezi Mlungu, ninaamba, “Uwe ndiwe chimbiriro rangu, uwe ndiwe urisi wangu kpwenye tsi ya atu ario moyo.”

Misemo 29:2

Enye haki achitawala anatsi nkuhererwa, ela atu ayi achitawala anatsi nkugaya.

Sonono za Jeremia 1:17

Sayuni anagolosa mikonoye, ela taphana wa kumterya. Mwenyezi Mlungu akalavya amuri chinyume cha Jakobo ili majiranige akale avihae, Jerusalemu ikakala najisi kahi yao.

Amosi 3:9

Tangazani kahi za zo ngome za Ashidodi, na mo mwenye ngome za tsi ya Misiri, Muambe, “Dzikusanyeni dzulu ya myango Samariya, mlole zo fujo nyinji na kuonerana kuriko mumo.”

Amosi 3:10

Mwenyezi Mlungu anaamba, “Taamanya kuhenda haki aho atu aikao mali mwao ngomeni arizoziphaha kpwa kuhumira fujo.”