Muhubiri 12:7 - Digo Bible

⁷ Mana hipho ndipho vumbi rindauya mtsangani na roho imuuyire Mlungu ariyeiumba.

Muhubiri 12:7 Referans Kwoze

Danieli 12:2

Atu anji ariofwa, andafufuka, anjina ainjire uzima wa kare na kare, na anjina aphahe waibu na kuberwa hata kare na kare.

Zaburi 146:4

Arichapho kuphuma anauya mtsangani na siku iyo mipango yao yosi nikusika.

Zakariya 12:1

Ujumbe wa Mwenyezi Mlungu kuhusu tsi ya Iziraeli. Mwenyezi Mlungu ariyetandaza ko mlunguni, ariyeika misingi ya dunia na ariyeumba roho ya mwanadamu anaamba hivi,

Mwandzo 3:19

Undarya jashoro, hadi ndiphofwa na kukala mitsanga tsona, kpwa mana wala mtsangani. Uwe waumbwa na mitsanga na mtsangani undauya.”

Mwandzo 2:7

Mwenyezi Mlungu achiumba mwanadamu kula vumbini, achimvuvurira pumuzi za uzima pulani na yuya mutu achikala chiumbe chiricho moyo.

Isaya 57:16

Sindashindana na atu siku zosi, wala kukala na tsukizi za kpwenderera, mana nchihenda hivyo atu angu nrioaumba mwenye andavundzika mioyo sana.

Isabu 16:22

Ela Musa na Aruni adzibwaga chimabumabu achiamba, “Ee Mlungu, Mlungu uphaye viumbe vyosi pumuzi ya uhai, dze, ikale undatsukirirwa atu osi kpwa dambi ya mutu mmwenga?”

Zaburi 90:3

Ukuuyiza atu mtsangani, na kuamba, “Mwi anadamu, uyani mrikola!”

Ayubu 20:11

Mifuphaye i tele nguvu za uhanani, ela indalazwa photsi mtsangani phamwenga naye.

Isabu 27:16

“Nakuvoya Mwenyezi Mlungu, Mlungu uriye chandzo cha anadamu osi kukala moyo, utsambule mutu ndiyelongoza atu aha,

Aeburania 12:23

Mkedza kutana na kundi ra ana amendzwao sana ni Mlungu, ambao madzina gao gaandikpwa mlunguni. Mkafika kpwa Mlungu ambaye ndiye muamuli wa atu osi. Mkafika mlunguni kuriko na roho za atu a haki ariohendwa akale atakatifu.

Aeburania 12:9

Tsona hwakala na baba zehu a himu duniani ariohutiya adabu na bado huchiaishimu. Phahi hunalondwa humuishimu zaidi ye Baba wa roho zehu, ili hukale na uzima.

Jeremia 38:16

Ndipho mfalume Zedekiya achimuapira Jeremia chisiri achimuamba, “Dza vyo Mwenyezi Mlungu aishivyo, iye anayehuhenda husohe, mimi sindakuolaga wala kukulavya kpwa nyo alondao kukuolaga.”

Mwandzo 18:27

Burahimu achijibu achiamba, “Hai, Mwenyezi Mlungu, kpwa kukala jasiri wa kugomba nawe dzagbwe mimi ni vumbi tu.

Ayubu 7:21

Kpwa utu wani kuswamehe uasi wangu na kuusa uyi wangu? Mana muda mchache wedzao ndalala na kogo, na uchiniendza, kundaniona.”

Luka 23:46

Jesu wakota kululu achiamba, “Baba, roho yangu nayiika mwako mikononi.” Ariphomala kugomba hivyo, achidosa.

Mahendo 7:59

Wakati Stefano kala anapigbwa mawe, wavoya Mlungu, achiamba, “Bwana Jesu, phokera roho yangu.”

Zaburi 103:14

Mana anamanya vira hurivyoumbwa, anatambukira kukala swiswi hu mitsanga.

Zaburi 104:29

Uchivilozera kogo, vinaogopha; uchiviusira pumuzi, vinafwa, na kuuya mtsangani virikola.

Zaburi 31:6

Nikamena hara aabuduo vizuka visivyo na mana ela namkuluphira Mwenyezi Mlungu.