Muhubiri 10:14 - Digo Bible

¹⁴ naye karemwa kugomba. Takuna awezaye kumanya ndigohendeka, takuna awezaye kumuambira ndigohendeka bada ya kufwa.

Muhubiri 10:14 Referans Kwoze

Misemo 15:2

Mromo wa mutu wa achili nkugoteza marifwa, ela miromo ya azuzu nkueneza ujinga.

Muhubiri 8:7

Kpwa kukala kamanya ndichomphaha siku zedzazo, mana taphana awezaye kuelewa ndigohendeka.

Muhubiri 6:12

Mana ni ani amanyaye garigo manono kpwa mwanadamu wakati anaishi maishage mafupi gatsupago dza chivurivuri? Ni ani awezaye kumuambira mwanadamu mambo ndigohendeka bada ya iye kufwa hipha tsini ya dzuwa?

Muhubiri 5:3

Mutu achikala na wasiwasi munji nkuloha ndoso, na mutu achikala na maneno manji nkugomba uzuzu.

Muhubiri 3:22

Kpwa hivyo náona kukala takuna chitu chinono zaidi kpwa mwanadamu kuriko kudziburudisha na mapato ga kazize mana uho ndio mtalowe. Ni ani awezaye kummanyisa mwanadamu ndigohendeka bada ya iye?

Misemo 10:19

Phenye maneno manji taphakosekana dambi, ela anayezuwiya mromowe ana achili.

Ayubu 35:16

Ayubu anafwenula kanwaye kugomba maneno sigo mana, anagomba maneno manji bila marifwa.”

Ayubu 34:37

Mana zo dambize anazienjereza kpwa kuasi, uwe kuna ishima, unagomba maneno ga kutsukiza chinyume cha Mlungu.”

Muhubiri 7:14

Kala na raha siku za kuongokerwa, na siku za mai tambukira kukala Mlungu wahenda hiri na ro ranjina piya, ili mwanadamu asiweze kutabiri ndigokpwedza badaye.

Muhubiri 9:1

Náririkana sana kuhusu gago gosi, nchimanya kukala mahendo ga atu enye ikima na enye haki ga mikononi mwa Mlungu. Ela takuna amanyaye ichikala mahendo ga atu hinya gandakubaliwa au gandaremewa (ndiphokusanyika mbere za Mlungu siku ya uamuli.)

Muhubiri 10:15

Mzuzu nkuremwezwa ni kazi ndide, hata asimanye njira ya kuphiira mudzini.

Ezekieli 35:13

Wadzikarya na uchiderereka chinyume changu nami nchisikira.