Misemo 6:25 - Digo Bible

²⁵ Usiaze unonowe mwako moyoni, wala usikubali akuvwehe kpwa kukutsuphira nyusi.

Misemo 6:25 Referans Kwoze

Mathayo 5:28

Ela mino ndimi nakuambirani kukala mutu achiona mchetu na achimuaza, phahi hiye ni kukala a kazini na yuya mchetu mwakpwe moyoni.

2 Afalume 9:30

Jehu ariphofika Jeziriili, Jezebeli achiphaha habari ya mambo chigohendeka. Wadzipaka wanda matsoni, achitengeza nyereze na achitsungurira na dirishani.

Isaya 3:16

Mwenyezi Mlungu anaamba, “Achetu a Sayuni ana ngulu, ananyendeka na singo za kugoloka na kulimbwisa matso. Ananyendeka na nyago fupi kuno anariza ndzuga zao.

Wira wa Selemani 4:9

Mwenehu mchetu, wende wangu, moyo wangu ukaumala. Ukaumala kpwa kunilola limwenga tu, ukanimala kpwa mkpwufu mmwenga uchiovwala.

Jeremia 4:30

Nawe, uwe ambaye undabanangbwa, kpwa utu wani unadzivwika nguwo za kundu, na kudzipamba na mapambo ga zahabu, na kuhenda matsogo gakale makulu kpwa kudzipaka wanda? Unadzipamba bure azembeo anakubera anaindza uhaio.

Ezekieli 23:40

Chisha achihuma ajumbe kuiha alume kula kure, nao achedza. Nyo alume ariphokpwedza, mwimwi mwaoga, mchidzipaka wanda matsoni na kuvwala mapambo manono.

Kumbukumbu 5:21

“ ‘Usimizire mahe mkpwaza myao. Usimizire mahe nyumba ya myao, au mundawe, au mtumishiwe mlume au mtumishiwe mchetu, au ngʼombeye, au pundawe, au chitu chochosi aricho nacho.’

Ayubu 31:1

“Mimi náika chilagane na matso gangu, nisilole msichana na kumuaza.