Misemo 6:19 - Digo Bible

¹⁹ Shaidi agombaye handzo na ye aphandaye mbeyu ya ufyakatsi kahi za ndugu.

Misemo 6:19 Referans Kwoze

Misemo 19:5

Shaidi wa handzo kandakosa kutiywa adabu, na mutu achengaye kandaweza kuchimbira.

Misemo 6:14

Moyowe mui, utunga mai, chila aphiyapho anazula kondo.

Jakobo 3:18

Atu ambao nkuunganisha atu anaoheha, ni dza atu ario anaphanda mbeyu za amani, nao andavuna haki.

Misemo 19:9

Mutu alavyaye ushaidi wa handzo kandakosa kutiywa adabu, na agombaye handzo andaangamizwa.

Zaburi 27:12

Usiriche aviha angu akanihendera vyo alondavyo, mana atu anizigao ni anji tsona analonda kunihendera fujo.

Misemo 25:18

Mutu achilavya ushaidi wa handzo kuhusu jiraniwe nkumzuru dza vyo nyundo, upanga au hondza.

Misemo 26:20

Moho uchikosa kuni nkufwa na bila ya fyakatsi kondo nkusira.

Misemo 22:10

Mutu wa chibero mtsuphe kondze na fujo rindauka, kukosana na kulaphizana kundakoma.

2 Timothi 2:23

Tsona nakuamba, dzitenge na malumbano ga chipumbavu na ga chijinga, kpwa sababu nkuhenda atu kukosana vibaya.

Mahendo 6:13

Achireha mashaidi a handzo achiamba, “Chila wakati mutu hiyu anagomba mai kuhusu Nyumba ya Kuvoya Mlungu na Shariya za Musa.

Misemo 16:28

Fyakatsi nkusababisha kondo fitina nkutenganisha asena.

Misemo 12:17

Shaidi anayegomba kpweli nkulavya ushaidi wa kpweli, ela shaidi wa handzo nkugomba handzo.

Mathayo 26:59

Phahi akulu a alavyadzi-sadaka na ngambi yosi yaendza ushaidi wa handzo, wa kutosha wa kumshitakira Jesu ili aphahe kumuolaga,

Mathayo 15:19

Mana moyoni mwa mutu, ndimo asili ya maazo mai, gamuhendago akaolaga, akahenda uzembe, udiya, wivi, ushaidi wa handzo, na lisengenyo.

Zaburi 35:11

Mashaidi a handzo akaniunukira na ananiuza mambo nsigogamanya.

Kutsama 23:1

“Usitangaze maneno ga handzo, tsona usimkanire mutu mui kpwa kumlavira ushaidi wa handzo.

Kutsama 20:16

“Usimzige myao na dzambo ra handzo.

Misemo 14:5

Shaidi muaminifu kachenga, ela shaidi wa handzo agomba handzo.

Misemo 21:28

Shaidi anayeshuhudiya handzo andaangamizwa, ela shaidi wa makini kaweza kunyamazwa.

Misemo 8:13

Kumuogopha Mwenyezi Mlungu ni kuzira uyi, mino názira ngulu na shobo, tabiya mbii na maneno mai.