Misemo 6:12 - Digo Bible

¹² Mutu mui, mutu asiyefwaha chitu, anadengereka na maneno ga ovyo.

Misemo 6:12 Referans Kwoze

Mathayo 12:34

Mwi ana a nyoka! Mnawezadze kugomba manono ichikala mwi enye mu ayi? Mana mutu nkugomba gachigoodzala mwakpwe moyoni.

Misemo 16:27

Mutu mui apanga mai; na manenoge ni makali dza moho uochao.

Misemo 4:24

Maneno gasigo ga kpweli na gakale kure nawe, mromoo usigombe handzo.

1 Timothi 5:13

Zaidi ya hivyo, andakala na tabiya za uvivu achidengereka ovyo ovyo laloni na kusengenya ayawao, kuinjirira mambo gasigoahusu na kugomba mambo gasigofwaha.

Mahendo 20:30

Piya kundazuka atu anjina mo mwenu kundini, agombe handzo, ili aahale afuasi a Jesu na aahende afuasi ao.

Misemo 17:4

Mutu wa kuhenda mai aphundza miromo ya kugomba mai, mutu wa handzo naye aphundza maneno ga kubananga.

Misemo 8:13

Kumuogopha Mwenyezi Mlungu ni kuzira uyi, mino názira ngulu na shobo, tabiya mbii na maneno mai.

Zaburi 59:7

Lola, analaphiza kpweli-kpweli maneno gao avi ni panga kali enye anaona taphana anayesikira.

Jakobo 3:6

Lilimi naro ni dza tsetse ya moho. Raodzala mambo mai dza dunia irivyo na nkugaeneza vilungo vyosi vya mwiri. Mohowe ula jehanamu na unaweza kubananga maisha gehu gosi, hangu kuvyalwa hadi kufwa.

Misemo 11:6

Haki ya atu asio na makosa indaativya, ela atu asio aaminifu andahalwa mateka ni mipango yao mii.

Misemo 6:14

Moyowe mui, utunga mai, chila aphiyapho anazula kondo.

Misemo 2:12

Gago gandakutenga na njira za uyi, na atu a maneno ga kuangamiza.

Zaburi 36:3

Chila agombaro ni iyi na ra handzo; akaricha kuhumira ikima na kuhenda manono.

Zaburi 10:7

Miromo yao i tele lana, handzo na vitisho. Aho nkugomba maneno mai ga kureyeza chila wakati.

Zaburi 10:3

Atu ayi anadzilika kpwa mambo mai anagopanga kugahenda aroho analani na kumrema Mwenyezi Mlungu.

Jakobo 1:21

Phahi, msihende tabiya mbii na mriche mahendo mai gosi tse! Dziikeni kpwa Mlungu na mkubali nenore kpwa upole. Watiya neno hiro mwenu mioyoni, na rinaweza kukuokolani.

Jeremia 24:2

Chikaphu chimwenga kala china tini nono dza ziratu zivyalazo chimbere. Chikaphu chanjina kala china tini mbii zisizorika.

1 Samueli 17:28

Eliabu mvyere wa Daudi, wamsikira hipho ariphokala anagomba na atu. Naye wamdemurira Daudi achiamba, “Ukedzahendani kuno? Na higo mangʼondzi machache ukagaricha na ani hiko weruni? Mino nakumanya u mutu wa kudzikarya na una moyo mui ndiyo mana ukedza lola viha.”

Misemo 10:32

Miromo ya enye haki igomba maneno ganagofwaha, ela miromo ya atu ayi inagomba machafu bahi.

Zaburi 101:3

Sindaruhusu matso gangu galole chochosi chii. Namena mahendo ga atu achiaphuka, sindagbwirana na mambo gao.

Misemo 3:32

Mana atu ayi ntsukizo kpwa Mwenyezi Mlungu, ela ye nkuamini atu ambao njira zao zagoloka.

Misemo 16:30

Afwinyiraye mutu dzitso akapanga mai, abenyulaye mromo andahenda vii.