21 Higa usigariche bii, ela gaike mwako moyoni.
Mwanangu, gbwira ikima na uhende achili, usiviriche bii.
Mendzwa na uaminifu usirichane nawe, uvwale mwako singoni, uandike mwako moyoni.
Mwanangu, uchikubali maneno gangu, na kusamini malagizo gangu,
Nalonda nihende ulondavyo, ee Mlungu wangu, shariyayo i mwangu moyoni.”
“Dzimanyirireni na mkale makini sedze mkayala mambo gara mrigoona na matso genu enye. Mana msiphogagbwira gandatuluka mwenu mioyoni siku zosi za maisha genu. Namwi fundzani ana enu na adzukulu enu ili agamanye.
Mwanangu, usiyale mafundzo gangu, ela gbwira malagizo gangu na moyoo wosi.
Gaike moyoni chila mara, gavwale mwako singoni.
Gafunge mwako malani na ugaandike mwako moyoni.
Mana ni vinono maneno higa gachikala mwako moyoni, tsona chila mara gakale tayari mwako mromoni.
