Misemo 4:19 - Digo Bible

¹⁹ Nayo njira ya atu ayi ni dza chilungulungu cha jiza, taamanya akpwalacho.

Misemo 4:19 Referans Kwoze

Johana 12:35

Jesu achiaambira, “Kuchere na mwanga kpwa muda. Kpwa hivyo nyendekani mwangani sedze mkagbwirwa ni jiza njirani. Mana mutu yeyesi anyendekaye jizani, kaweza kuona aphiyako.

Jeremia 23:12

Kpwa hivyo njira zao zindakala na jiza na kuhereza, njira ambazo zindaahenda agbwe. Mana nindaarehera utu uyi nyo mwaka wa kutiywa kpwao adabu, mimi Mwenyezi Mlungu nkaamba.

1 Samueli 2:9

Iye andarinda maisha ga atakatifue; Ela ayi andaangamizwa jizani, Mana takuna mutu ndiyeshinda kpwa mkpwotsewe.

Jeremia 13:16

Mupheni nguma Mwenyezi Mlungu, Mlungu wenu kabila takudzangbwekala jiza, kabila kudzangbwekpwala vidzango virivyo jizani. Na wakati munaendza mwanga iye andaugaluza ukale jiza-jiza na ro jiza-jiza arihende rikale chilungulungu cha jiza.

Johana 11:10

Ela mutu yeyesi achinyendeka usiku andakpwala, mana kaona kpwa vira takuna mwanga.”

Mathayo 15:14

Msidzishuulishe na hinyo vilongozi vipofu. Chipofu achilongoza chipofu myawe, osi airi andavoromoka dibwani.”

Mathayo 7:23

Nami nindaambira chingʼangʼa, ‘Sikumanyani tse. Niukirani hipha mwi atu ayi!’ ”

Misemo 2:13

Atu arichao njira za kugoloka, ili atsupe na njira za jiza.

Ayubu 18:18

Andazoreswa kula mwangani hadi jizani, na azoreswe kula duniani.

Ayubu 12:25

Nkuahenda adedeleke dza alevi, nao nkuphaphasa mo jizani musimokala na mwanga.

Ayubu 5:14

Aho nkuona jiza mutsi, na kuphaphasa mutsi avi ni usiku.

1 Johana 2:11

Ela mutu aziraye myawe a jizani wala kamanya aphiyako, mana jiza ramuhenda chipofu.

Zaburi 82:5

“Taamanya na taaelewa, ananyendeka jizani misingi yosi ya dunia ikasumbiswa.”

Misemo 22:5

Njira ya mutu kaidi ina miya na mihego, ela mutu atundzaye moyowe andakala kure nayo.