Misemo 4:10 - Digo Bible

¹⁰ Mwanangu, phundza na ugbwire maneno gangu, ili miakayo ya kuishi ikale minji.

Misemo 4:10 Referans Kwoze

1 Athesalonike 2:13

Tsona huna sababu yanjina ya kumshukuru Mlungu chila wakati. Huriphokureherani ujumbe wa Mlungu, tamyausikira na kuuphokera dza ujumbe wa mwanadamu, ela mwauphokera dza ujumbe wa Mlungu, na kpwa kpweli ndio. Nao unagaluza maisha genu mwimwi mukuluphirao.

Misemo 3:2

Kpwa kukala zindakupha siku nyinji, maisha mare na kpwenderera vinono katika mambogo gosi.

Kumbukumbu 6:2

Mnalondwa mumuogophe Mwenyezi Mlungu, Mlungu wenu siku zosi za maisha genu na kugbwira shariya na amuri zosi ninazokuphani mwimwi na chivyazi chenu ili mkale na maisha mare.

Jeremia 9:20

Mwi achetu, phundzani neno ra Mwenyezi Mlungu, na muhege masikiro musikire akaambadze. Afundzeni ana enu achetu kurira, na chila mutu afundze jiraniwe wira wa sonono.

Misemo 3:16

Indakupha maisha mare, utajiri na ishima.

1 Timothi 1:15

Huno ni msemo wa kpweli, nao atu ni lazima auamini, “Masihi Jesu wakpwedza duniani kuokola achina-dambi,” na kahi yao, mimi Paulo kala ni mwenye dambi kuriko osi.

Misemo 8:10

Inafwaha utsambule mafundzo gangu kuriko feza na uphahe marifwa badala ya zahabu swafi.

Misemo 19:20

Sikiza mashauri na ugbwire mafundzo nawe undakala na ikima ya kukufwaha siku zedzazo.

Misemo 2:1

Mwanangu, uchikubali maneno gangu, na kusamini malagizo gangu,

Ayubu 22:22

Kubali malagizo kula mwakpwe kanwani, na uike manenoge mwako moyoni.

Kumbukumbu 5:16

“ ‘Ishimu sowe na mayoo, dza vira mimi Mwenyezi Mlungu, Mlunguo, nrivyokulagiza, ili maishago gakale mare na uongokerwe kpwenye tsi ambayo mimi Mwenyezi Mlungu, Mlunguo nakupha.

Kumbukumbu 11:21

ili mwimwi na ana enu mphahe kuishi maisha mare kpwenye tsi ambayo Mwenyezi Mlungu, Mlungu wenu, waapa kuapha akare enu siku zosi ambazo dunia indakalapho.