Misemo 31:23 - Digo Bible

²³ Mlumewe ni mutu mashuhuri mabarazani, anakoshiriki mikutano ya atumia a mudzi.

Misemo 31:23 Referans Kwoze

Misemo 12:4

Mchetu wa tabiya nono nkurehera mlumewe ishima, ela mchetu arehaye waibu ni dza kuola misozani mwa mlumewe.

Ruthi 4:1

Chisha Boazi achendasagala hiko ryango ra mudzi phatu pha kuhendera mikutano. Ndipho hiye mʼbari wa Elimeleki ariyeambwa ni Boazi achitsapa na phapho, Boazi achimuiha achimuamba, “Ndzo hiku mwenehu husagale.” Phahi waphiya achendasagala.

Kumbukumbu 16:18

“Tsambulani Aamuli na akulu kula mbari zenu zosi. Hinya mundaaika kpwenye midzi yenu ambayo Mwenyezi Mlungu, Mlungu wenu, andakuphani nao andaamula atu na haki.

Misemo 24:7

Mzuzu kaweza kuelewa ikima, kaweza kutsangira rorosi phatu phenye mkpwutano.

Ayubu 29:7

Wakati niriphotuluka kondze kuphiya ryango ra mudzi, na kusagala kpwenye nafwasi yangu mkpwutanoni.

Ruthi 4:11

Hinyo atumia na atu anjina osi ariokala hipho achiamba, “Oho, hu mashaidi. Mwenyezi Mlungu naamjaliye mwana mchetu hiyu unayemhala akale dza Raheli na Lea ariomvyarira Jakobo ana anji. Hunakuvoyera uwe Boazi ukale tajiri kpwenye mbari ya Efuratha, na mwenye nguma himu Bethilehemu.

Kumbukumbu 21:19

phahi, nine na ise andamuhala amphirike kpwenye chikao cha angambi a mudzi.

Ruthi 4:2

Ndipho Boazi achikusanya atumia kumi a hinyo mudzi na achiaambira asagale hipho nao. Ariphosagala,