Misemo 3:3 - Digo Bible

³ Mendzwa na uaminifu usirichane nawe, uvwale mwako singoni, uandike mwako moyoni.

Misemo 3:3 Referans Kwoze

2 Akorintho 3:3

I wazi kala mwimwi mu dza baruwa yoandikpwa ni Jesu ambayo ni matokeo ga kazi yehu huriyokureherani. Baruwa iyo taiyaandikpwa na wino, ela na Roho Mtakatifu ariye moyo. Tsona baruwa iyo taiyaandikpwa dziweni, ela ndani ya mioyo ya atu.

Misemo 7:3

Gafunge mwako malani na ugaandike mwako moyoni.

Aeburania 10:16

“Bwana Mlungu anaamba: Hichi ndicho chilagane chiphya ndichoika na atu a Iziraeli siku hizo zichifika. Ndatiya shariya zangu mwao mioyoni na kuziandika mwao achilini.”

Misemo 6:21

Gaike moyoni chila mara, gavwale mwako singoni.

Malaki 2:6

Hinyo Alawi afundza Shariya ya kpweli na mafundzo gao tagayakala na uyi wowosi. Maisha gao gosi anilunga katika amani na haki na achiahenda anji achiricha uyi.

Aefeso 5:9

Na ario mwangani kazi yao ni kukala na tabiya nono, kuhenda mambo ga haki, na kugomba kpweli wakati wosi.

Misemo 16:6

Kpwa mbazi na uaminifu dambi nkuuswa. Mutu anayemuogopha Mwenyezi Mlungu nkuricha kuhenda mai.

Misemo 20:28

Mfalume achikala na mbazi na uaminifu a salama, na achihenda haki chihiche cha endzi chinadumu.

Misemo 1:9

Mana gago gandakala chiremba dza ishima phako chitswani, na mkpwufu phako singoni.

Zaburi 119:11

Nenoro nkariika mwangu moyoni, ili nisikuhendere dambi.

Zaburi 25:10

Njira zosi za Mwenyezi Mlungu ni za mendzwa isiyosika na uaminifu kpwa hinyo agbwirao chilaganeche na malagizoge.

Kutsama 13:9

Sharee ihi indakala dza alama phako mkpwononi, na utu wa kukutambukiza phako chilanguni, ili shariya ya Mwenyezi Mlungu ikale mwako kanwani. Mana Mwenyezi Mlungu wakutuluzani Misiri kpwa nguvu.

Jeremia 17:1

Mwenyezi Mlungu achiamba, “Dambi ya atu a Juda yaandikpwa na kalamu ya chuma yenye lutsa ra alimasi, ichichorwa kpwenye mioyo yao na phenye pembe za phatu pha kulavira sadaka.

Kumbukumbu 6:8

Gafungeni mwenu mikononi na mgavwale mwenu vilanguni kama ishara.

Hosea 4:1

Mwi Aiziraeli phundzani neno ra Mwenyezi Mlungu. Mwenyezi Mlungu ana malau na mwi msagalao tsi ihi mana tamuna uaminifu wala mbazi chisha tamummanya Mlungu.

Mathayo 23:23

“Shaka hiro mwi alimu a Shariya na Mafarisayo, anafiki mwi! Mkulavya fungu ra kumi ya chikatsu, iliki, na bizari nyembamba ambavyo ni vilungo bahi, na kuno munaricha haki, mbazi, na kuluphiro ambago ni mambo muhimu ga Shariya. Higo ndigo mlondwago kuhenda, bila ya kubera higo ganjina.

2 Samueli 15:20

Wahendakpwedza dzuzi-dzuzi tu, kpwa utu wani vino nikutangishe hiku na hiku nami mwenye hipha simanya mphiyako? Uwe uya na ro jeshiro kula Gathi. Naye Mwenyezi Mlungu naakuonere mendzwaye isiyosika na akale muaminifu kpwako.”

Zaburi 85:10

Mendzwa isiyosika na uaminifu vindakutana. Haki na amani vindadonerana.

Misemo 14:22

Mutu apangaye mai nkuangamika, ela mutu apangaye manono nkumendzwa na kuaminiwa.

Kutsama 34:6

Mwenyezi Mlungu achitsupa mbere za Musa, na achiamba, “Dzina rangu ni Mwenyezi Mlungu. Mimi, ndimi Mwenyezi Mlungu, Mlungu mwenye mbazi, asiyetsukirwa upesi. Nina mendzwa nyinji isiyosika, na uaminifu.