Misemo 3:1 - Digo Bible

¹ Mwanangu, usiyale mafundzo gangu, ela gbwira malagizo gangu na moyoo wosi.

Misemo 3:1 Referans Kwoze

Misemo 4:5

Dziphahire ikima, dziphahire kuelewa mambo; usiyale wala kubera maneno gangu.

Zaburi 119:16

Nahamirwa ni shariyazo sindayala nenoro.

Misemo 1:8

Mwanangu, gbwira mafundzo ga sowe, wala usipuze malagizo ga mayoo.

Zaburi 119:93

Sindagayala malagizogo, mana ndigo chigonihenda nkale moyo.

Zaburi 119:34

Nipha ufahamu ili niweze kugbwira shariyayo na kuilunga moyo kutsuka.

Jeremia 31:33

Hichi ndicho chilagane ndichoika na atu a Iziraeli wakati hinyo. Mwenyezi Mlungu anaamba, ‘Nindatiya shariya yangu mwao achilini na kuiandika mwao mioyoni. Mimi ndakala Mlungu wao, nao andakala atu angu.

Zaburi 119:11

Nenoro nkariika mwangu moyoni, ili nisikuhendere dambi.

Kumbukumbu 8:1

Musa waenderera kugomba achiamba, “Hakikishani munagbwira amuri zosi ninazokuphani rero, ili mkale moyo, muenjerezeke na muinjire muimiliki tsi hira ambayo Mwenyezi Mlungu waapa kuapha akare enu.

Zaburi 119:153

Lola vira nigayavyo na unitivye, mana siyarire shariyayo.

Hosea 4:6

Atu angu anaangamika kpwa kukosa marifwa. Kpwa kukala mwakahala marifwa, mimi nami nkakukahalani mkale alavyadzi-sadaka angu. Kpwa sababu mwayala shariya za Mlungu wenu, nami piya nindayala ana enu.

Kumbukumbu 4:9

“Dzimanyirireni na mkale makini sedze mkayala mambo gara mrigoona na matso genu enye. Mana msiphogagbwira gandatuluka mwenu mioyoni siku zosi za maisha genu. Namwi fundzani ana enu na adzukulu enu ili agamanye.

Zaburi 119:176

Nkatanga-tanga dza ngʼondzi chiroangamika, niendza mimi mtumishio, mana siyala malagizogo.

Kumbukumbu 4:23

Muhende makini sana kusudi msiyale chilagane ambacho Mwenyezi Mlungu, Mlungu wenu, akahenda namwi. Msidzitengezere vizuka vya kutsonga vya umbo ra chitu chochosi ambacho Mwenyezi Mlungu, Mlungu wenu, akakukahazani kuhenda,

Misemo 31:5

Sedze akalewa na akayala shariya na kulafya atu agayao haki zao.

Isaya 51:17

Lamuka! Ima uwe Jerusalemu, uwe wanwa chikombe kula mkpwononi mwa Mwenyezi Mlungu, chikombe cha tsukizize, wanwa hadi tone ra mwisho chikombe chihendacho atu adedeleke.

Kutsama 20:6

Ela nkuonyesa mendzwa isiyosika kpwa maelufu na elufu ga hara animendzao na kugbwira amuri zangu.

Zaburi 91:16

Nindamupha maisha mare, na kumuonyesa wokofu wangu.”

Zaburi 119:61

Atu ayi ananihega na nyugbwe ela mino sindayala shariyazo.

Misemo 2:1

Mwanangu, uchikubali maneno gangu, na kusamini malagizo gangu,

Misemo 4:2

Nakuphani malagizo manono, kpwa hivyo msireme mafundzo gangu.

Misemo 16:31

Kukala na komvwi za utumiani ni tadzi ya ishima; ziphahwa ni mutu anayeishi maisha ga haki.

Misemo 23:26

Mwanangu, niphundza kpwa makini, moyoo nahufwairwe nkuiga maisha gangu.

Kumbukumbu 5:16

“ ‘Ishimu sowe na mayoo, dza vira mimi Mwenyezi Mlungu, Mlunguo, nrivyokulagiza, ili maishago gakale mare na uongokerwe kpwenye tsi ambayo mimi Mwenyezi Mlungu, Mlunguo nakupha.

Kumbukumbu 5:33

Mundalunga njira yosi ambayo Mwenyezi Mlungu, Mlungu wenu, anakuamuruni kulunga kusudi mkale moyo, muongokerwe na mphahe kusagala muda mure kpwenye tsi ndiyoimiliki.”

Misemo 4:21

Higa usigariche bii, ela gaike mwako moyoni.

Misemo 8:1

Sikiza! Ikima anakuiha. Ufahamu anakuiha na raka ra dzulu.

Misemo 9:1

Ikima akadzenga nyumbaye, akaichitira nguzo sabaa.