Misemo 29:14 - Digo Bible

¹⁴ Mfalume ahukumuye achiya kpwa haki utawalawe undaimarika hata kare na kare.

Misemo 29:14 Referans Kwoze

Misemo 16:12

Kuhenda mai kunatsukiza afalume, mana mamlaka gao gaimarishwa ni haki.

Isaya 11:4

Achiya na agayi andalamulwa na haki. Dunia indatiywa adabu kpwa nenore na atu ayi andaaolaga.

Misemo 29:4

Mfalume anayelunga utawala wa haki taifare rindaimarika, ela aphokeraye hongo nkubananga tsi.

Misemo 20:28

Mfalume achikala na mbazi na uaminifu a salama, na achihenda haki chihiche cha endzi chinadumu.

Misemo 28:16

Mtawala asiye na ufahamu nkuonera atu sana, ela atsukirirwaye zuluma na hongo andaenjereza sikuze.

Misemo 25:5

Uchimuusira mfalume atu ai, utawalawe undaimarika na haki.

Zaburi 89:2

Nindaamba kukala mendzwayo isiyosika inadumu hata kare na kare, uaminifuo u imara dza mlunguni.

Danieli 4:27

Kpwa hivyo uwe mfalume, phundza ushauri wangu. Richa kuhenda dambi na uhende haki. Richa makosago kpwa kuonera mbazi aonerwao, mendzerepho siku za kuongokerwako, nkuenjerezwa.”

Jeremia 22:16

Waamula achiya na ariotsowa kpwa haki na mamboge gachimphihira vinono. Gano si gahendeka kpwa kunimanya mimi Mwenyezi Mlungu?

Jeremia 5:28

aha akanona kpwa kurya vinono. Atu aha taaogofyerwa ni kuhenda mai; taahenda anachiya akaphaha haki yao na taahehera haki za achiya.

Isaya 1:17

Dzifundzeni kuhenda garigo sawa, hakikishani haki inahendwa, teryani atu aonerwao kanirani anachiya, na mkanire magungu.”