Misemo 28:27 - Digo Bible

²⁷ Mutu alavyaye kpwa achiya kandaphungukirwa, ela mutu aremaye kulavya andalaniwa vyenye.

Misemo 28:27 Referans Kwoze

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.

Misemo 11:24

Mutu alavyaye na moyo mmwenga nkuzidi kutajirika, ela achoyo nkuzidi kukala achiya.

Kumbukumbu 15:7

“Ichikala phandakala na mchiya kahi ya jamaazo, kpwenye mudzi mmwengawapho wa midzi iriyo kahi ya tsi muhewayo ni Mwenyezi Mlungu, msikale afu au achoyo kpwakpwe.

Kumbukumbu 15:10

Apheni achiya moyo kutsuka bila kunungʼunika, mana kpwa ajili ya hiro, Mwenyezi Mlungu, Mlungu wenu, andajaliya kazi zenu zosi.

Misemo 22:9

Mutu wa mbazi andabarikiwa, mana anaganyira achiya chakuryache.

Misemo 11:26

Atu nkulani achuuzi ambao anafwitsa chakurya ili aguze badaye na bei gali, ela hara aguzao nkuvoyerwa baraka.

Aeburania 13:16

Musiriche kuhenda manono na kuganyira ayawenu vitu murivyo navyo, mana sadaka dza iyo inamhamira Mlungu.

Isaya 1:15

Ndiphounula mikono yenu kunivoya, nindalola kanda. Hata mkavoya mavoyo manji sindakuphundzani mana mikono yenu i tele milatso.

Misemo 24:24

Mutu amuambiraye mwenye makosa, “Kuna hatiya,” andalaniwa ni utsi na Mataifa gandamzira.

Misemo 28:28

Atu ayi achitawala atu nkuchimbira achadzifwitsa, ela achiuka mamlakani, enye haki nkuenjerezeka.

Misemo 11:25

Mutu alavyaye na moyo mmwenga andaongokerwa, na amnwesaye myawe madzi naye andanweswa.