Misemo 28:26 - Digo Bible

²⁶ Mutu anayekuluphira achilize mwenye ni mzuzu, ela mutu aishiye kpwa ikima andakala salama.

Misemo 28:26 Referans Kwoze

Misemo 3:5

Mkuluphire Mwenyezi Mlungu na moyoo wosi, wala usiadamire achilizo mwenye;

Jeremia 17:9

Moyo una handzo kuriko vyosi, nao tauweza kulagulwa na takuna awezaye kumanya uazacho.

Ayubu 28:28

Naye achigomba na mwanadamu achimuamba, ‘Kumuogopha Mwenyezi Mlungu, ndicho chandzo cha ikima, na kudzitenga na uyi ndiko kuelewa.’ ”

Jakobo 1:5

Myawenu yeyesi achikosa marifwa, ni lazima avoye Mlungu, naye andahewa. Mana Mlungu ndiye alavyaye kpwa chila mutu moyo kutsuka tsona na mbazi.

Arumi 8:7

Kpwa mana atu aazao kuhenda mai anamrema Mlungu, wala taaweza kulunga Shariya za Mlungu hata chidide.

2 Timothi 3:15

na wamanya Maandiko ga Mlungu hangu wanacheo. Higo ganaweza kukulongoza kpwa busara kuphaha wokofu kpwa kumkuluphira Jesu Muokoli.

2 Afalume 8:13

Naye Hazaeli wauza, “Mino mtumishio ni chitu kpweli? Mino nriye sawa na diya ndawezadze kuhenda mambo makulu dza higo?” Elisha wamjibu achiamba, “Mwenyezi Mlungu akanionyesa kukala undakala mfalume wa Aramu.”

Misemo 2:12

Gago gandakutenga na njira za uyi, na atu a maneno ga kuangamiza.

Misemo 3:7

Usidzione kukala u mwerevu, Muogophe Mwenyezi Mlungu na uriche kuhenda mai.

Misemo 26:12

Dze, unamuona mutu adzihendaye ana ikima sana? Phahi baha kukuluphira mutu mzuzu kuriko iye.