Misemo 27:12 - Digo Bible

¹² Mutu wa achili nkuona hatari iredza akadzifwitsa, ela mzuzu nkudziinjiza mzima-mzima achaphaha tabu.

Misemo 27:12 Referans Kwoze

Misemo 22:3

Mutu wa achili nkuona hatari mbereze akadzifwitsa, ela mzuzu nkudziphirika bila ya kuogopha achaphaha tabu.

Misemo 18:10

Dzina ra Mwenyezi Mlungu ni ngome imara, atu a haki achirikuluphira andakala salama.

Aeburania 11:7

Kpwa kukuluphira, Nuhu wamphundza Mlungu ariphoonywa kuhusu mambo ambago gandahendeka badaye. Wamuogopha Mlungu achidzenga safina na kpwa kuhenda hivyo, atu a nyumbaye ativywa na atu a dunia achihukumiwa. Na kpwa sababu ya kuluphirore, naye Nuhu achikubaliwa ni Mlungu kukala ni mutu wa haki.

2 Petero 3:7

Kpwa njira iyo-iyo ya nenore, Mlungu nkuhenda dzulu mlunguni na duniani hivi sambi vigodze, hadi ndiphoviangamiza na moho. Siku iyo ya uamuli, atu asiolunga malagizo ga Mlungu andaamulwa na kuangamizwa tsetsetse.

Mathayo 3:7

Ela ariphoona Mafarisayo na Masadukayo anji aredza abatizwe, waambira, “Ee, nyoka mwi! Mnalonda kuchimbira adabu ya Mlungu yedzayo bila ya kutubu kpweli! Iyo siyo sababu nono ya kukala mnalonda mʼbatizwe!

Aeburania 6:18

Mlungu achiahidi na kuapa, kagaluza. Mana kagomba handzo. Iye wahenda higa mambo mairi ili, swiswi ambao hunamlunga, hutiywe moyo kpwa kugbwiririra kukuluphira gara Mlungu arigohulagiza.

Misemo 27:11

Mwanangu, kala wa ikima unifurahishe moyo wangu nami sindakosa neno ra kumjibu mutu yeyesi anayenibera.

Misemo 27:13

Mutu achiahidi mberezo kuimirira deni ra mutu asiyemmanya hala nguwoye ikale mzamana; izuiye mzamana wa mutu amuimiriraye mchetu asiyemmanya.