Misemo 24:31 - Digo Bible

³¹ Ke! Wosi kala ukamera miya na kpwekpwe zagota kosi. Hata ukutawe wa mawe piya wavoromoka.

Misemo 24:31 Referans Kwoze

Muhubiri 10:18

Kpwa sababu ya uvivu, paa ra nyumba nkuhopa, na kpwa kudzisagarira bure, nyumba nkuvudza.

Jeremia 4:3

Mana ye Mwenyezi Mlungu anaamba vivi kpwa atu a Juda na a Jerusalemu: “Rimani minda yenu ambayo tamdzangbweirima, na msiphande miyani.

Isaya 5:5

Sambi ndakuambirani vira ndivyouhenda huno munda wangu wa mizabibu. Ndawuusira lichigo umenyererwe. Ndabomola kutaze uvyogbwe-vyogbwe.

Aeburania 6:8

Ela mtsanga ukuzao miya na kpwekpwe, nkukala tauna mana, nao nkukala na hatari ya kulaniwa na mwisho undatiywa moho.

Mathayo 13:22

Zira mbeyu zirizogbwa kpwenye miya, ni mfwano wa mutu asikiraye neno, ela mambo ga dunia, na tamaa za mali nkpwedzalinga-linga rira neno hata rikakala tarivyala.

Mathayo 13:7

Mbeyu zanjina zagbwa zichimera phamwenga na mbeyu za miya. Phokala zinakula, miya nayo yakula, hipho, hira mimea ichilingbwa-lingbwa ni hira miya.

Misemo 23:21

Mana alevi na atoni andakala achiya na usingizi munji undakuvwika mademu-mademu.

Misemo 22:13

Mutu mvivu nkuamba, “Ko kondze kuna simba, anaweza kuniolaga mo njirani.”

Misemo 20:4

Mvivu karima minga ya kurima naye minga ya kuvuna andaaza aphahe mavuno ela kandaphaha chitu.

Misemo 19:23

Kumuogopha Mwenyezi Mlungu kunareha uzima, amuogophaye Mlungu andakala salama wala mai tagandamphaha.

Ayubu 31:40

richa miya imere badala ya nganu, na nyasi badala ya mere.” Uhu ndio mwisho wa kugomba kpwa Ayubu.

Ayubu 30:7

Mo vitsakani nkurira dza punda, na kukusanyika tsini ya mihi ya miya.

Misemo 24:32

Nálola, nchifikiri, mwishirowe nchiphaha fundzo.

Misemo 13:4

Atu avivu nkutamani na kaphaha chitu, ela gaazwago ni atu a chadi nkutimizwa.

Isaya 5:6

Ndauricha ukale vuwe, taundatsatsulwa wala kurimwa, undamera vikpwata na miya. Piya ndaamuru maingu gasinye mvula dzuluye.