Misemo 23:7 - Digo Bible

⁷ Kpwa mana iye ni yuyatu wa kawaida, ndivyo arivyo. Mromoni andakuamba, “Rya, nwa!” Ela moyowe tauphamwenga nawe.

Misemo 23:7 Referans Kwoze

Zaburi 12:2

Chila mmwenga anagomba handzo na jiraniwe ngʼandzi zao ni za handzo na unafiki

Zaburi 55:21

Manenoge kala ga laini kuriko siagi, ela mwakpwe moyoni kala anaaza viha, manenoge kala ga laini kutsupa mafuha ela ganakata dza upanga.

Aamuli 16:15

Delila achimuamba Samsoni, “Unawezadze kuniamba unanimendza, ichikala unanifwitsa sirizo? Hino ni kano ya hahu kunihenda mzuzu na kudzangbweniambira chinacho kuhenda ukale na mkpwotse munji.”

Misemo 19:22

Chitu chinacholondwa mwanadamu akale nacho ni uaminifu; baha mutu akale mchiya kuriko akale wa handzo.

Luka 7:39

Yuya Mfarisayo yemualika Jesu ariphoona vira, wagomba na rohore, achiamba, “Kala mutu hiyu ni nabii, angemanya ni ani na ni mchetu wa aina yani amgutaye, mana ni mchina-dambi!”

Danieli 11:27

Ndipho nyo afalume airi andasagala meza mwenga, ela chila mutu andamuazira myawe mai, nao andachengana. Ela taphana ndiye phaha alondacho, mana wakati undakala taudzangbwefika.

Misemo 26:24

Mutu achikuzira nkudzipendekeza na maneno manono ela ndani ya moyowe nkufwitsa mai.

Misemo 26:25

Dzagbwe manenoge ni manono usimuamini mana ana tsukizi nyinji sana mwakpwe moyoni.

Misemo 26:23

Maneno manono gafwitsago uyi, ni dza nyungu iriyopakpwa rangi ya feza.