Misemo 23:35 - Digo Bible

³⁵ Nawe undaamba, “Akanipiga ela sikarumira, akanibumbunda, ela sisikirire tse! Nndalamuka rini mino nkanwe tsona?”

Misemo 23:35 Referans Kwoze

Jeremia 5:3

Ee Mwenyezi Mlungu, uwe ukuendza uaminifu Uwe ukaapiga, ela taasikirire utsungu, waasaga, ela arema kugaluka. Ahenda nyuso zao kukala nyifu kuriko dziwe na kurema kutubu.

Isaya 56:12

Aho nkuamba, “Ndzoni, hunwe uchi wa zabibu, hata hulewe, na muhondo indakala dza vi rero au hata zaidi.”

Misemo 27:22

Hata mzuzu uchimphonda chinuni dza matsere kundaweza kumtenganisha na uzuzuwe.

Misemo 26:11

Mutu mzuzu nkuuyira uzuzuwe dza vyo diya riuyiravyo kurya maaphikage.

2 Petero 2:22

Phahi arigohenda atu aha ni sawa na ndarira hizi mbiri. Ya kpwandza inaamba, “Diya nkuuyira kurya mahaphikage,” na ya phiri inaamba “Nguluwe achiyeogeswa nkuuya akagala-gala topeni.”

Aefeso 4:19

Kazi yao ni kuhenda udiya na mambo mai ga chila aina na wala taaona haya.

Jeremia 31:18

Nkasikira Efuraimu anaula kuno anaamba, “Ukanitiya adabu dza mwana ndzau ambaye kadzangbwefundzwa kurima; nirekebisha niuye dza vyo kare, mana uwe u Mwenyezi Mlungu, Mlungu wangu.

Isaya 22:13

Ela lola! Atu akahererwa na kuhamirwa, anatsindza ngʼombe na mangʼondzi na kurya nyama na kunwa uchi! Enye munaamba, “Nahurye na hunwe mana muhondo hundafwa.”

Kumbukumbu 29:19

Ichikala bada ya kusikira maneno ga chilagane hichi ambacho mkaapishwa, mutu andadziamini mwakpwe moyoni na aambe kukala andakala salama hata achilunga uyi wa moyowe, likakado hiro rindasababisha kuangamizwa kpwa atu osi, anono na ayi.

Misemo 23:34

Undakala dza mutu alalaye kahi-kahi ya bahari, auruswaye hiku na hiku dza mutu ariye dzulu ya mlingoti wa meli.