Misemo 22:4 - Digo Bible

⁴ Sawabu ya unyenyekevu na kumuogopha Mwenyezi Mlungu ni utajiri, ishima na maisha mare.

Misemo 22:4 Referans Kwoze

Mathayo 6:33

Phahi, endzani ufalume wa Mlungu kpwandza na muhende hakiye na go ganjina gosi andakuenjerezani.

Jakobo 4:10

Dzitserezeni mbere za Mlungu naye andakuunulani.

Misemo 21:21

Mutu ahendaye mambo ga haki na kuonera ayae mbazi andaphaha uzima, haki na ishima.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Misemo 3:16

Indakupha maisha mare, utajiri na ishima.

Jakobo 4:6

Ela Mlungu anahuonera mbazi zaidi. Ndiyo mana Maandiko ganaamba, “Mlungu anapinga anaodzikarya, na kuaonera mbazi a pole.”

Isaya 33:6

Uwe ndiwe msingi unayehuhenda hukale imara wakati wosi. Ukuhutivya na kuhupha ikima ya kpweli na marifwa, na kukuogopha uwe Mwenyezi Mlungu ndicho chitu cha samani zaidi kpwehu.

1 Timothi 4:8

Mana mazowezi ga mwiri ganareha fwaida chidide kpwa mutu, ela kumuogopha Mlungu kuna fwaida zaidi pande zosi. Kunahulaga uzima vi sambi na hata badaye.

Misemo 21:20

Nyumbani mwa mutu wa achili muna hazina na raha, ela mutu mzuzu nkuhumira vibaya maliye yosi.

Misemo 22:3

Mutu wa achili nkuona hatari mbereze akadzifwitsa, ela mzuzu nkudziphirika bila ya kuogopha achaphaha tabu.

Misemo 22:5

Njira ya mutu kaidi ina miya na mihego, ela mutu atundzaye moyowe andakala kure nayo.

Misemo 29:23

Ngulu za mutu zindamʼbwaga, ela mwenye moyo wa kugbwa maguluni andaishimiwa.

Misemo 31:30

Urembo unachenga, na uzuri wa uso nkusira, ela mchetu wa kumuogopha Mwenyezi Mlungu ndiye ndiyetogolwa.

Danieli 4:36

Wakati uho achili zangu ziriphoniuyira, ishima yangu, fahari na nguma ya ufalume wangu vyaniuyira. Ashauri angu na vilongozi angu akpwedzaniendza, nchiuyizirwa ufalume chisha nchihendwa mkpwulu kuriko pho mwandzo.

Misemo 19:23

Kumuogopha Mwenyezi Mlungu kunareha uzima, amuogophaye Mlungu andakala salama wala mai tagandamphaha.