Misemo 22:15 - Digo Bible

¹⁵ Moyo wa mwanache una uzuzu munji, ela fwimbo ya kumtiira adabu indawuusa wosi.

Misemo 22:15 Referans Kwoze

Misemo 13:24

Mutu asiyechapa mwanawe kammendza, ela mutu ammendzaye mwanawe karicha kumtiya adabu.

Misemo 19:18

Mwanao mtiye adabu napho bado phana kuluphiro, uchimrichira tsari unamʼbananga.

Misemo 29:15

Kumchapa na kumkanya mwana kundamuhenda akale na ikima, ela mwana wa kurichirwa tsari nkuifya nine.

Misemo 29:17

Mwanao mtiye adabu naye kandakutiya wasiwasi, andahamira moyoo.

Aefeso 2:3

Swiswi hosi piya hwaishi dza vivyo aho. Hwalunga tamaa zehu za dambi na nia za chibinadamu. Naswi kala hunagodzwa ni adabu kali ya Mlungu dza aho.

Zaburi 51:5

Mimi ni mwenye dambi hangu nivyalwe, yani, ni mui hangu ndanini mwa mayo.

Johana 3:6

Anadamu nkuvyala anadamu ario na uhai, ela Roho Mtakatifu nkuvyala atu ario na uhai wa chiroho.

Ayubu 14:4

Ni ani awezaye kutuluza chitu swafi kula kpwa chitu chikolo? Takuna ngʼo.

Misemo 20:30

Viboko vinavyohulukiza mwiri nkuusa uyi, mutu achitiywa adabu hivyo nkusafika hadi moyowe.