Misemo 21:4 - Digo Bible

⁴ Matso ga shobo na moyo wa ngulu na mambo mai, gosi higo ni dambi.

Misemo 21:4 Referans Kwoze

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”

Misemo 6:17

Mutu wa shobo, lilimi rigombaro handzo, mikono imwagayo milatso isiyo hatiya,

Isaya 2:17

Kudzikarya kpwa mwanadamu kundatserezwa na kudzikudula kpwa anadamu kundauyizwa photsi. Mwenyezi Mlungu macheye ndiye ndiyetogolwa siku hiyo,

Misemo 8:13

Kumuogopha Mwenyezi Mlungu ni kuzira uyi, mino názira ngulu na shobo, tabiya mbii na maneno mai.

Arumi 14:23

Ela ndiyekala na wasiwasi kuhusu chakurya na achirya, andaamulwa mana kakaamini kala rira ahendaro ni sawa mbere za Mlungu. Mana mutu yeyesi achihenda dzambo ambaro kanaro hakika, phahi naamanye kala anahenda dambi.

Luka 18:14

Alafu Jesu achiaambira, “Nakuambirani kpweli, hiye mtoza kodi waswamehewa dambize na achikubaliwa ni Mlungu. Ela kpwa yuya Mfarisayo taiyakala hivyo. Kpwa mana chila adzikpwezaye andatserezwa, na adzitserezaye andakpwezwa.”

Isaya 3:16

Mwenyezi Mlungu anaamba, “Achetu a Sayuni ana ngulu, ananyendeka na singo za kugoloka na kulimbwisa matso. Ananyendeka na nyago fupi kuno anariza ndzuga zao.

Misemo 21:27

Sadaka ya mutu mui ni dzambo ra kutsukiza. Inatsukiza zaidi ichirehwa na nia mbii.

Misemo 15:8

Sadaka za atu ayi ni tsukizo kpwa Mwenyezi Mlungu, ela nkufwahirwa ni mavoyo ga enye haki.

Zaburi 10:4

Atu ayi taamuendza Mwenyezi Mlungu, kpwa kukala anadzikarya, aho anaona takuna Mlungu.

Isaya 2:11

Mutu wa shobo andahendwa anyenyekee, na atu a ngulu andatserezwa. Mwenyezi Mlungu macheye ndiye ndiyetogolwa siku hiyo.

Misemo 30:13

Kuna atu a kudziunula, akubera chila achionacho!

Luka 11:34

Matsogo ndigo taa ya mwiri, nago gachikala ni mazima, mwiri wosi undakala na mwanga. Ela gachikala ni makongo, phahi mwiri wosi undaodzala jiza.

Misemo 24:20

Mana mutu mui kana matumaini ga badaye, na taa ya maishage indazimwa.

Ayubu 18:5

Yo taa ya atu ayi inazimwa, na nyo mohowe taundangʼala.

Ayubu 18:6

Jiza ndio mwanga mwakpwe nyumbani, na yo taaye iriyo dzulu indazimwa.

Zaburi 101:5

Mutu amuocheraye ngulu jiraniwe nindamʼbananga, na sindamvumirira mutu mwenye chibero na anayedzikarya.

Zaburi 131:1

Ee Mwenyezi Mlungu, moyo wangu taudzikarya, wala sidziunula. Nami sidzihusisha na mambo makulu, mambo garigo makulu kpwangu.

Misemo 6:16

Kuna vitu sita ambavyo vinamtsukiza Mwenyezi Mlungu, ee, kamwi ni sabaa ambavyo wavimena:

Isaya 10:12

Mwenyezi Mlungu anaamba, ndiphomala kuhenda achigopanga kuhendera Jerusalemu na Mwango wa Sayuni, andamtiya adabu mfalume wa Ashuru kpwa vira arivyo na ngulu na kudzikarya.