Misemo 21:25 - Digo Bible

²⁵ Tamaa ya mutu mvivu ndiyo ndiyomuolaga, mana mikonoye tailonda kuhenda kazi.

Misemo 21:25 Referans Kwoze

Misemo 13:4

Atu avivu nkutamani na kaphaha chitu, ela gaazwago ni atu a chadi nkutimizwa.

Misemo 12:24

Mutu wa chadi andakpwezwa cheo, ela mutu mvivu andahenda kazi za mtumwa.

Mathayo 25:26

“Ela yuya bwana achimuamba, ‘We mtumishi mui na mvivu! Unamanya kukala nkuvuna phatu ambapho siphandire, na nkukusanya phatu ambapho siyakumbira.

Misemo 26:16

Mutu mvivu nkudziona wa achili sana kuriko atu sabaa awezao kujibu kpwa busara.

Misemo 19:24

Mutu mvivu nkutiya mkpwonowe ligani ela akashindwa kuutiya mromoni!

Misemo 15:19

Njira ya mutu mvivu yamera miya, ela njira ya mwenye haki ikaera dza njira kulu.

Misemo 12:27

Muindza mvivu nkushindwa hata kuwada nyamawe achiyemphaha, ela mutu wa chadi nkuhumira vinono chila aphahacho.

Misemo 20:4

Mvivu karima minga ya kurima naye minga ya kuvuna andaaza aphahe mavuno ela kandaphaha chitu.

Misemo 26:13

Mutu mvivu nkuamba: “Ko kondze kuna simba, anaweha mo njirani!”

Misemo 22:13

Mutu mvivu nkuamba, “Ko kondze kuna simba, anaweza kuniolaga mo njirani.”

Joshuwa 7:3

Phahi auya kpwa Joshuwa achendamuamba, “Taina haja ya atu osi aphiye kpwendapigana na atu a Ai, atu elufu mbiri au tahu hivi anatosha. Usihende atu acharemwa bure mana atu a Ai ni achache.”