Misemo 20:7 - Digo Bible

⁷ Mwenye haki achiishi kahi za haki, achiuka, anae achiomuiga andabarikiwa.

Misemo 20:7 Referans Kwoze

Zaburi 112:2

Chivyaziche chindakala chivyazi cha mkpwotse kpwenye tsi, chivyazi cha atu ahendao haki chindajaliywa.

Zaburi 37:26

Wakati wosi analavya moyo mmwenga na kuaphasa anjina na anae andakala baraka.

Jeremia 32:39

Nindaahenda ahende manono anagoaza mwao mioyoni na agahende ili aniogophe wakati wosi kpwa fwaida yao na ya vivyazi vyao.

2 Akorintho 1:12

Hunahenda ngulu kpwa sababu hunaweza kukuambirani bila kusita-sita kala hwaishi kpwa uaminifu na moyo kutsuka. Naswi hwaahendera hivyo atu osi na haswa mwimwi mosi kpwa kuadamira mbazi za Mlungu badala ya marifwa gehu ga hipha duniani.

Mahendo 2:39

Ahadi hino ni fwaida yenu, vivyazi vyenu na atu osi ario kure, ni ya mutu yeyesi ambaye Mwenyezi Mlungu wehu andamualika.”

Misemo 19:1

Baha mchiya ambaye kana lawama, kuriko mzuzu wa maneno mai.

Misemo 13:22

Atu anono nkuikira adzukulu aho urisi, ela urisi wa enye dambi nkuhalwa ni enye haki.

Misemo 14:2

Mutu alungaye njira ya sawa anamuogopha Mwenyezi Mlungu, ela mutu alungaye njira mbaya anabera Mlungu.

Zaburi 15:2

Ni yuya asiye na makosa, ahendaye haki na kugomba kpweli kula mwakpwe moyoni.

Mwandzo 17:7

Nindaika chilagane cha kare na kare na uwe na chivyazicho bada ya uwe, kukala nikale Mlunguo na Mlungu wa vivyazivyo bada ya uwe.

Luka 1:6

Osi airi kala ni atu a kumuogopha Mlungu, alunga shariya za Mlungu na malagizoge gosi bila lawama tse.

Zaburi 26:1

Ee Mwenyezi Mlungu, amula kukala sina makosa kpwa sababu nikaishi maisha gasigo ila na nkakukuluphira uwe bila ya kuyumba-yumba.

Isaya 33:15

Ela hinyo asagalao kpwa kuhenda haki na kugomba kpweli, hinyo aremao kuhala pesa kpwa nguvu na asiokubali hongo, hinyo asiodzihusisha na njama za kuolaga na asioshiriki kuhenda mai,

Zaburi 26:11

Ela mino naishi maisha gasigo na ila, nionera mbazi na unitivye!

Ayubu 1:1

Kpwakala na mutu mmwenga ko tsi ya Usi, yeihwa Ayubu. Mutu iye kala kana lawama, kala ni mutu wa haki, yemuogopha Mlungu na kudzitenga na uyi.

Misemo 14:26

Atu amuogophao Mwenyezi Mlungu ana kuluphiro ra kudina, na ana aho ana phatu salama pha kuchimbirira.