Misemo 20:19 - Digo Bible

¹⁹ Mutu wa lisengenyo kaika siri, phahi dzitenge na mutu wa maneno ga chizuzu.

Misemo 20:19 Referans Kwoze

Misemo 11:13

Mutu mmbeya nkuzunguluka kusema siri za ayae, ela mutu muaminifu nkufwitsa siri.

Arumi 16:18

Kpwa kpweli, atu dza hinyo taamhumikira Bwana wehu Jesu, ela anahenda kazi kpwa fwaida yao enye. Anahumira maneno manono kuchenga atu asioyuga kuchengbwa.

Misemo 18:8

Maneno ga mutu mmbeya ni dza chakurya cha mtswano, nkuinjira hadi ndani ya moyo.

Misemo 13:3

Mutu wa maneno ga chiasi andakala na maisha mare, ela mutu wa maneno ga bovobovo andabanangbwa.

Alawi 19:16

Usiphiye hiku na hiku kusengenya ayao. Usitiye myao kpwenye hatari ya chifo kpwa kulavya ushaidi wa handzo. Mimi, ndimi Mwenyezi Mlungu.

Misemo 24:21

Mwanangu, muogophe Mwenyezi Mlungu na mfalume, wala usigbwirane na aasi.

Misemo 16:29

Mutu wa fujo nkuchenga-chenga ayawao, akaalongoza njira mbii.

Zaburi 101:5

Mutu amuocheraye ngulu jiraniwe nindamʼbananga, na sindamvumirira mutu mwenye chibero na anayedzikarya.