Misemo 20:13 - Digo Bible

¹³ Uchimendza usingizi undakala mchiya, kala matso, nawe undakala na chakurya chinji.

Misemo 20:13 Referans Kwoze

Misemo 19:15

Uvivu nkureha usingizi wa fungo, na mutu asiyelonda kuhenda kazi andagaya na ndzala.

Arumi 12:11

Msikale avivu kuhenda kazi ya Mlungu, ela lungani vira Roho Mtakatifu alondavyo mumhumikire Bwana Jesu kpwa chadi.

Misemo 12:11

Mutu arimaye mundawe andakala na chakurya chinji, ela alungaye mambo ga upuzi kana achili.

Misemo 10:4

Uvivu unareha uchiya, mkpwono wa mutu mwenye chadi unatajirisha.

Misemo 13:4

Atu avivu nkutamani na kaphaha chitu, ela gaazwago ni atu a chadi nkutimizwa.

2 Athesalonike 3:10

Mana hata huriphokala hosi hwakulagizani hiri: “Yeyesi ambaye ni mvivu wa kazi, naasirye.”

Arumi 13:11

Zaidi ya hivyo ni mmanye wakati wa kulamuka ukafika. Kpwa sababu wakati wa kutivywa u phephi zaidi kuriko hipho mwandzo huriphoanza kumkuluphira Jesu.

Aefeso 5:14

Mwanga ndio uhendao vitu vionekane. Ndiyo mana atu nkuamba: “Lamuka we urereye! Ngʼalwa ni matso, wala usikale dza lufu. Naye Jesu andakungʼazira.”

Jona 1:6

Phahi mphiriki wa iyo meli achendamuona Jona hiko ndani arere achimuamba, “We hata urere tse! Haya unuka uvoye, chahi Mlunguo andahuonera mbazi ahutivye.”

1 Akorintho 15:34

Hebu lamukani na mriche kuhenda dambi. Mana anjina enu taamanya Mlungu ambapho ni waibu sana kpwenu.

Misemo 20:14

Mguladzi nkulalamika, “Ni viphi, tavifwaha tse,” ela achiuka anadzikarya akaguzirwa rahisi.

Misemo 28:19

Mutu arimaye mundawe andakala na chakurya chinji, ela alungaye mambo ga upuzi andakala mchiya.

Misemo 31:15

Tsona nkulamuka chiti cha ngutu, kutayarisha chakurya cha atu a phakpwe kaya, na kuapangira kazi ahendadzi-kazie a chichetu.