Misemo 20:12 - Digo Bible

¹² Sikiro rinarosikira na dzitso rinaroona, vilungo viiri hivi vyatengezwa ni Mwenyezi Mlungu.

Misemo 20:12 Referans Kwoze

Zaburi 94:9

Dze, ye ariyeumba sikiro, akale kasikira? Ye ariyeumba dzitso, akale kaona?

Zaburi 119:18

Ningʼaza matso gangu ili nione mambo ga ajabu garigo mwako shariyani.

Kutsama 4:11

Ndipho Mwenyezi Mlungu achimuamba, “Ni ani yemupha mwanadamu mromo? Ni ani amuhendaye mutu akale masito ama bwibwi? Ni ani yemupha mwanadamu matso ama ni ani amuhendaye chipofu? Dze, siye mimi, Mwenyezi Mlungu?

Mahendo 26:18

ukaangʼaze matso, ili atuluke jizani na ainjire mwangani, na ariche kutawalwa ni Shetani na akubali utawala wa Mlungu. Nao aswamehewe dambi zao na aphahe nafwasi phamwenga na ariotengbwa kpwa sababu ya kunikuluphira.’

Misemo 25:12

Onyo ra mutu wa achili kpwa sikiro ra mutu asikiraye ni dza pete au mkpwufu wa zahabu swafi.

Isaya 29:18

Wakati hinyo masito andaweza kusikira maneno ga hicho chitabu na matso ga vipofu gandaona kahi za upofu na jiza.

1 Akorintho 12:17

Kala mwiri wosi ungekala dzitso, mutu angesikiradze? Na kala mwiri wosi ungekala sikiro, mutu angenusadze? Kangeweza!