Misemo 2:6 - Digo Bible

⁶ Kpwa kukala Mwenyezi Mlungu nkuapha atu ikima; mwakpwe mromoni nkutuluka marifwa na uwezo wa kuelewa;

Misemo 2:6 Referans Kwoze

Jakobo 1:5

Myawenu yeyesi achikosa marifwa, ni lazima avoye Mlungu, naye andahewa. Mana Mlungu ndiye alavyaye kpwa chila mutu moyo kutsuka tsona na mbazi.

Zaburi 119:98

Malagizogo gananihenda nkale na ikima kuriko maadui gangu, mana ga phamwenga nami chila wakati.

Ayubu 32:8

Ela ni yo roho ndani ya mwanadamu, yo pumuzi ya iye Mwenye Nguvu Zosi, ndiyo imuhendayo aelewe.

Luka 21:15

kpwa mana nindakuphani maneno ga marifwa, ambago maadui genu gosi tagandaweza kugarema wala kugapinga.

Isaya 54:13

Na anao osi andafundzwa ni Mwenyezi Mlungu, na akale na amani.

Johana 6:45

Manabii aandika achiamba, ‘Atu osi andafundzwa ni Mlungu.’ Yeyesi aphundzaye na kudzifundza kula kpwa Baba, nkpwedza kpwangu.

1 Afalume 3:12

phahi vivi ndahenda dza vyo uchivyovoya. Ndakupha ikima na achili kpwa chipimo ambacho takuna mutu wanjina ariyephaha kukala nacho kabila ya uwe na wala takundatokea wanjina bada ya uwe.

Jakobo 1:17

Majaliwa manono gosi na zawadi nono zila dzulu mlunguni, kpwa Baba Mlungu. Iye ni muumba wa mianga ya mlunguni na kagaluka dza pepho ya muhi.

Zaburi 119:104

Kutsupira malagizogo ninaphaha ufahamu, kpwa hivyo nazira chila njira mbii.

Danieli 2:23

Nakushukuru na kukutogola uwe Mlungu wa akare angu, mana ukanipha ikima na mkpwotse, nawe ukanionyesa hurichokuvoya, mana ukahumanyisa gara mfalume alondago.”

Danieli 1:17

Mlungu waapha marifwa aha barobaro a ne na achiahenda aelewe maandishi ga chila aina na ikima. Phamwenga na vivyo achimupha Danieli kuelewa ruwiya na ndoso za chila namuna.

Isaya 8:20

Ela mwimwi gbwirani lagizo na fundzo ra Mlungu. Aho agombao higo taadzangbweona mwanga,

1 Afalume 4:29

Mlungu wamupha Selemani ikima zaidi na achili kpwa unji. Marifwage gakala dza mtsanga wa pwani, tagayakala na chipimo.

Danieli 2:21

Iye agaluzaye wakati na minga, ndiye ausaye na kutawaza afalume, ndiye aphaye ikima atu a ikima na ndiye aaphaye marifwa aho ario na marifwa.

Misemo 6:23

Mana shariya hizi ni taa, na mafundzo higa ni mwanga, nako kuonywa na kutiywa adabu ni njira ya uzima,

Zaburi 19:7

Shariya ya Mwenyezi Mlungu taina ila, nkumupha mutu nguvu uphya, malagizo ga Mwenyezi Mlungu ganakuluphirika nkumupha ikima mutu asiyekalanayo.

1 Afalume 3:9

Kpwa hivyo nakuvoya uniphe mimi mtumishio moyo wa ikima niphahe kuamula atuo na niweze kuelewa manono na mai. Mana ni ani awezaye kuatawala atuo ario anji chiasi hichi?”

Kutsama 31:3

Nkamuodzaza na Roho wangu ili akale na uwezo wa kumanya aina zosi za ufundi,

1 Nyakati 22:12

Mwenyezi Mlungu na akuphe busara na achili, ili ndiphoikpwa chilongozi wa Iziraeli, uweze kulunga shariya za Mwenyezi Mlungu, Mlunguo.

Nehemia 7:5

Chisha Mlungu wangu achinipha maazo ga kuakusanya vilongozi a nyo mudzi na atu a kawaida aolangbwe kulengana na mbari zao. Cho chitabu cha vivyazi vya atu ariokala a kpwandza kuuya ko Juda kala nkachiona. Gaga ndigo goandikpwa mumo:

Ayubu 22:22

Kubali malagizo kula mwakpwe kanwani, na uike manenoge mwako moyoni.

Zaburi 51:6

Uwe unafwahirwa ni mutu ariye mkpweli mwakpwe moyoni, kpwa hivyo nifundza ikima mwangu moyoni.

Muhubiri 2:26

Mlungu nkumupha ikima, marifwa na furaha mutu amuhamiraye. Ela kpwa mwenye dambi nkumupha kazi za kuvuna na kuika phamwenga, chisha akamupha yuyatu amuhamiraye. Gaga nago ganasinya, ni sawa na kuzoresa phepho.

1 Afalume 10:24

Atu a tsi zosi akpwedza kpwa Selemani ili asikire ikimaye ariyowewa ni Mlungu.

Ezira 7:25

Na uwe Ezira, kulengana na ikima uriyo nayo yohewa ni Mlunguo, tsambula mawakili na aamuli amanyao shariya ya Mlunguo alavye uamuli wa haki kpwa atu osi ario jimbo ra ngʼambo ya muho Yufurati. Na osi asiomanya shariya uafundze.

Ayubu 12:13

Mwenye ikima na uwezo ni Mlungu, iye ana ushauri na ujuzi.

Ayubu 12:16

Iye ana nguvu na ikima, nyo achengao na achengbwao osi ni akpwe.

Zaburi 19:8

Shariya za Mwenyezi Mlungu zi sawa, nkuhenda moyo ukahererwa. Malagizo ga Mwenyezi Mlungu ni ga haki, nkumvugula mutu matso.

Zaburi 94:10

Dze, ye anayetiya adabu mataifa ganjina, akale kandakutiyani adabu? Dze, ye aafundzaye anadamu, akale kana marifwa?

Zaburi 119:34

Nipha ufahamu ili niweze kugbwira shariyayo na kuilunga moyo kutsuka.