3 Nawe uchivoya busara, na uchiririra kuelewa;
Myawenu yeyesi achikosa marifwa, ni lazima avoye Mlungu, naye andahewa. Mana Mlungu ndiye alavyaye kpwa chila mutu moyo kutsuka tsona na mbazi.
Chila uhendaro muadamire iye naye andagolosa njirazo.
Chiriro changu nachikufikire, ee Mwenyezi Mlungu, nipha ufahamu kulengana na nenoro.
Mimi ni mtumishio, nipha uwezo wa kuelewa ili nimanye malagizogo.
Ichikala mwi atu ayi tu, mnamanya kuapha ana enu vitu vinono, dze si zaidi ye Sowe yenu ariye mlunguni? Iye nkuapha Roho Mtakatifu atu osi amvoyao.”
Waniumba mwenye uwe, na mikonoyo, nipha ufahamu, ili nidzifundze malagizogo.
Nipha ufahamu ili niweze kugbwira shariyayo na kuilunga moyo kutsuka.
Mwenyezi Mlungu na akuphe busara na achili, ili ndiphoikpwa chilongozi wa Iziraeli, uweze kulunga shariya za Mwenyezi Mlungu, Mlunguo.
Ninaamendza hara animendzao na hara aniendzao kpwa chadi andaniphaha.
uchihega sikiro kuphundza ikima, na kuelekeza moyoo uphahe kuelewa.
Uchiendza ikima dza feza, na uiendze dza hazina iriyofwitsika;
Anangu, gbwirani mafundzo ga sowe yenu, hegani masikiro genu mphahe kuelewa.
