Misemo 19:3 - Digo Bible

³ Mutu nkubananga maishage kpwa uzuzuwe, alafu akamreyera Mwenyezi Mlungu.

Misemo 19:3 Referans Kwoze

Zaburi 37:7

Hurira mbere za Mwenyezi Mlungu, mgodze na uvumirire, usibabaishwe ni iye ambaye njiraze zinaongokerwa, wakati anahenda mipangoye mii.

Misemo 11:3

Atu a haki nkulongozwa ni ukamilifu wao na atu ayi akaangamizwa ni handzo rao.

Zaburi 37:1

Usibabaishwe ni atu ayi, usionere wivu atu ahendao makosa.

2 Afalume 6:33

Kabila kadzangbwemala kugomba, yuya muhumwa wa mfalume wafika. Ndipho mfalume achiamba, “Mai gaga gala kpwa Mwenyezi Mlungu! Kpwa utu wani nienderere kugodza kula kpwa Mwenyezi Mlungu?”

1 Samueli 15:23

Mana kusatii Mwenyezi Mlungu ni dza dambi ya kupiga mburuga, na kusamuogopha Mwenyezi Mlungu ni dza kuvoya vizuka. Na kpwa kukala ukarirema neno ra Mwenyezi Mlungu, Iye naye akakurema usikale mfalume.”

1 Samueli 13:13

Naye Samueli achimuamba Sauli, “Ukahenda uzuzu kusagbwira amuri ya Mwenyezi Mlungu, Mlunguo, kpwa mana kala ukaigbwira, Mwenyezi Mlungu angeahenda atu a chivyazicho akatawala Iziraeli hata kare na kare.

Isaya 32:6

Azuzu anagomba ga chizuzu, chila wakati anahenda mipango ya kuhenda dambi ya kugomba handzo kuhusu Mwenyezi Mlungu. Mipango ya kuahirisa ario na ndzala na kualafya madzi ario na chiru.

Ayubu 15:13

Ukatsukirwa hata unaihenda rohoyo ikale chinyume cha Mlungu, na kugomba maneno dza higo.

Sonono za Jeremia 3:39

Kpwa utu wani mutu ariye moyo alalamike, wakati anaphotiywa adabu kpwa dambize?

Ezekieli 18:25

“Ela mwimwi munaamba, ‘Mwenyezi Mlungu kahenda haki,’ phahi phundzani mwi atu a Iziraeli: Dze, sihendere haki? Vino ni mimi nisiyehenda haki au ni mwimwi?