Misemo 19:25 - Digo Bible

²⁵ Mtiye adabu mutu wa chibero, na mzuzu andakala mlachu, na mutu wa achili achikanywa nkuonjereza marifwa.

Misemo 19:25 Referans Kwoze

Misemo 21:11

Uchitiya adabu mutu mwenye chiphurye, mzuzu andahenda ikima, uchifundza mutu wa ikima, andaphaha marifwa.

Misemo 17:10

Mutu wa achili achikanywa limwenga nkuteryeka zaidi, kuriko mzuzu atiywapho mbugu gana mwenga.

Misemo 15:5

Mutu mzuzu nkubera mafundzo ga avyazie, ela mutu adzifundzaye anaphokanywa ni mlachu.

Maono 3:19

Mimi nkudemurira na kutiya adabu atu niamendzao. Phahi kalani na chadi, na mriche dambi.

Kumbukumbu 21:21

Ndipho atu a mudzi hinyo andampiga mwana hiye mawe hadi afwe. Hivyo ndivyo mndivyosisa uyi hinyo kahi zenu. Aiziraeli osi andasikira dzambo hiro na aogophe.

Kumbukumbu 13:11

Ndipho Aiziraeli osi andasikira na kuogopha, nao taandahenda uyi dza hinyo kahi yenu.

Zaburi 141:5

Mwenye haki achinipiga au achinidemurira indakala ni dza mafuha mwangu chitswani. Chitswa changu tachindarema. Kpwa kpweli sindaricha kuvoya kuhusu uyi wao.

Misemo 9:7

Piya anaamba, “Amkanyaye mwenye chibero anadzitakira kulaphizwa, amdemuriraye mutu mui, anadzirehera waibu.

Misemo 1:5

Mwenye busara asikire na aenjereze ilimu, mwenye ikima aphahe mashauri ga kumlongoza.