Misemo 18:16 - Digo Bible

¹⁶ Zawadi inamvugurira mutu miryango, inaweza kumfikisa mutu mbere ya akulu.

Misemo 18:16 Referans Kwoze

Misemo 19:6

Atu anji nkudzipendekeza kpwa akulu, na chila mutu ni msena wa mutu alavyaye zawadi.

Mwandzo 43:11

Ndipho ise yao achiamba, “Ichikala ni lazima aphiye, phahi hendani hivi: Halani vitu vinono-vinono kula ku kpwehu, mumphirikire zawadi hiye mkpwulu. Halani dawa chache ya mavune, asali chache, vilungo vya kujitira, uvumba na mbeyu za mtswano, yani jozi na lozi.

Misemo 17:8

Hongo rihenda kazi dza pingu kpwa mutu alavyaye, anafwaulu na chila amlungaye.

1 Samueli 25:27

Na zawadi ihi ichiyorehwa ni mimi mtumwao nkakurehera bwana wangu naihewe barobaro ario phamwenga na uwe bwana wangu.

Mwandzo 33:10

Jakobo achiamba, “Tafadhali bwana, nakuvoya! Ichikala kpweli ukanikubali, phahi phokera zawadi zangu nikuphazo. Kuona usoo ni kama kuona uso wa Mlungu, mana ukaniphokera vinono.

Mwandzo 32:20

Tsona, msiyale kumuambira Esau, ‘Mtumishio Jakobo aredza ko nyuma.’ ” Jakobo waona andamhuriza na zira zawadi na achikutana naye mendzerepho andamswamehe.

Misemo 21:14

Zawadi ya siri nkuhuriza hasira na hongo ilaviwayo kudzifwitsa-fwitsa inausa tsukizi.

1 Samueli 16:20

Jese achihala punda achimpakiya mikahe, chiriba cha uchi wa zabibu na mwana mbuzi, achimupha mwanawe Daudi amphirikire Sauli.

Misemo 18:17

Mutu adziheheraye, kpwandza nkuonekana mkpweli, ela mpindzaniwe achedza andalumbana.

2 Afalume 5:5

Naye mfalume wa Aramu achimuamba; “Haya phahi phiya, ni ndamphirikira baruwa mfalume wa Iziraeli.” Hipho Naamani waphiya, achitsukula talanta kumi za feza, vipande elufu sita vya zahabu na mavwazi kumi manono.