Misemo 16:20 - Digo Bible

²⁰ Atu aphundzao mafundzo andaongokerwa na atu anaoadamira Mwenyezi Mlungu ana baha.

Misemo 16:20 Referans Kwoze

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Zaburi 2:12

Msujudiyeni, sedze akatsukirwa, namwi mkafwa kabila ya wakati, mana tsukizi za Mlungu ni za phephi. Ela atu amchimbirirao Mlungu, aajaliwa.

Zaburi 34:8

Tatani muone vira Mwenyezi Mlungu arivyo mnono. Baha mutu anayemchimbirira iye.

Misemo 19:8

Mutu aphahaye ikima anamendza rohoye, na atu ario na ufahamu andaongokerwa.

Mathayo 10:16

“Phundzani! Nakuhumani mphiye, namwi mundakala dza mangʼondzi gaphiyago kahi ya mabawa. Kpwa hivyo kalani erevu dza nyoka na a pole dza njiya.

Danieli 6:23

Phahi mfalume achihererwa sana, na achilagiza Danieli atuluzwe mo dibwani. Achituluzwa naye kayaonekana na mgbwaruto wowosi mwakpwe mwirini, kpwa kukala kala anamkuluphira Mlungu.

Danieli 3:28

Nebukadineza wagomba achiamba, “Naatogolwe Mlungu wa Shediraka, Meshaki na Abedinego achiyehuma malaikawe kutivya atumishie. Aho amkuluphira na achivundza lagizo ra mfalume na kulavya miri yao badala ya kuhumikira na kuabudu mlungu wanjina isiphokala Mlungu wao enye.

Misemo 8:35

Mana aniphahaye mimi ana uzima, naye akakubaliwa ni Mwenyezi Mlungu.

Zaburi 146:5

Baha iye aterywaye ni Mlungu wa Jakobo, amkuluphiraye Mwenyezi Mlungu, Mlunguwe,

Misemo 13:15

Mutu wa achili nkukubalika, ela njira atsupirayo mutu asiye muaminifu nkumphirika kpwenye maangamizi.

Zaburi 125:1

Amukuluphirao Mwenyezi Mlungu ni dza mwango wa Sayuni, ambao tauweza kusumbiswa, ela unadumu hata kare na kare.

1 Nyakati 5:20

Mlungu achiaterya na nyo Ahagari na osi ariokala phamwenga nao achitiywa mikononi mwao. Mana amririra Mlungu wakati wa vyo viha, naye achiajibu mavoyo gao kpwa kukala kala akamkuluphira iye.

Misemo 17:2

Mtumwa wa achili andatawala mwana arehaye waibu, na andaphaha seemu ya urisi dza mmwengawapho wa ana a nyumba hiyo.

Zaburi 32:10

Atu ayi nkuphaha tabu nyinji, ela anaomkuluphira Mwenyezi Mlungu andazungulukpwa ni mendzwaye isiyosika.

Misemo 13:13

Atu anaobera mafundzo nkumenya matatani, ela anaoishimu shariya andatuzwa.